मार्गदर्शन:ग्राहक शोषणाची आव्हाने थोपवण्यासाठी‎ आज सशक्त ग्राहक चळवळीची गरज‎

आर्थिक विकासासोबत विविध क्षेत्रात‎ ग्राहक शोषणाची आव्हाने सुध्दा वाढत‎ असल्याने ती थोपवण्यासाठी सशक्त‎ ग्राहक चळवळीची आवश्यकता आहे.‎ त्यासाठी अखिल भारतीय ग्राहक‎ पंचायतीच्या कार्यकर्त्यांनी सर्वच स्तरावर‎ सक्षमपणे प्रयत्न करण्याची गरज आहे,‎ असे सुस्पष्ट प्रतिपादन अ. भा. ग्राहक‎ पंचायतचे राष्ट्रीय सहसचिव जयंती‎ कथेरिया यांनी केले.

येथील दीनदयाल‎ प्रबोधिनीत आयोजित अ. भा. ग्राहक‎ पंचायतच्या विदर्भ प्रांत तीन दिवसीय‎ अभ्यासवर्गांच्या उद्घाटन समारंभात ते‎ बोलत होते. राष्ट्रीय संगठन मंत्री दिनकर‎ सबनीस, विदर्भ प्रांताध्यक्ष डॉ. नारायण‎ मेहरे, प्रांत सचिव नितीन काकडे, संघटक‎ डॉ. अजय गाडे यावेळी व्यासपीठावर‎ उपस्थित होते.‎ कथेरिया भाषणात पुढे म्हणाले,‎ जसजसा आर्थिक विकास होत आहे‎ तसतसे ग्राहक शोषणाचे मार्गही नवनवीन‎ स्वरुप धारण करत आहे. आणि या‎ सर्वातून मार्ग काढत ग्राहक पंचायतच्या‎ कार्यकर्त्यांनी आपले कार्य पुढे न्यायचे‎ आहे. शोषण मुक्त समाज, उचित व्यापार‎ आणि खरेदीचे समाधान मिळणारा ग्राहक‎ हेच ग्राहक पंचायतीचे उद्दिष्ट आहे.‎ त्यासाठीच ग्राहक पंचायत सदैव प्रयत्नरत‎ आहे. संघटनात्मक बळ हा चळवळीचा‎‎‎‎‎‎‎‎‎‎‎‎‎‎‎‎‎ आत्मा आहे.

उत्पादन मूल्य घोषीत करा या‎ ग्राहक पंचायतीच्या परंपरागत मागणीचे‎ महत्त्व आता सर्वांना लक्षात येवू लागले‎ आहे. कारण किमतीच्या संदर्भातून होणारे‎ घोळ विविध प्रकरणातून बाहेर येवू लागले‎ आहेत. हे सर्व ग्राहक पंचायतीने केलेल्या‎ जागृतीमुळे शक्य झाले आहे.‎ अध्यक्षीय भाषणातून राष्ट्रीय संगठन‎ मंत्री दिनकर सबनीस यांनी ग्राहक पंचायत‎ कार्यकर्त्यांनी सजग राहून ग्राहक‎ शोषणमुक्तीसाठी सुरू असलेल्या या‎ चळवळीत आपले प्रभावी योगदान कसे‎ प्रभावी राहील याचा प्रयत्न करण्याचे‎ आवाहन केले. त्यासाठी ग्राहक‎ कार्यकर्त्यांचे जाळे उभारण्याची‎‎‎‎‎‎‎‎‎‎‎‎‎‎‎‎‎ आवश्यकता असल्याचेही जोरदार‎ प्रतिपादन त्यांनी केले.

प्रारंभी दीप प्रज्वलन‎ करुन स्वामी विवेकानंद अ.भा.ग्राहक‎ पंचायतचे संस्थापक अध्यक्ष बिंदुमाधव‎ जोशी, विदर्भातील ग्राहक पंचायतचे‎ उद्गाते वापू महाशब्दे यांच्या प्रतिमांचे‎ पूजन करण्यात आले. विदर्भ प्रांताध्यक्ष डॉ.‎ नारायण मेहरे यांनी प्रास्ताविक भाषणातून‎ अभ्यास वर्गाच्या आयोजनामागची‎ संकल्पना स्पष्ट केली. जिल्हा संघटक‎ हितेश सेट, अनंत भिसे, ॲड. राजेश‎ पोहरे, जिनेंद्र बंगाले, डॉ. केशव चेटुले‎ यांनी पाहुण्यांचे शाल, श्रीफळ, मानचिन्ह‎ देऊन स्वागत केले. कार्यक्रमाचे संचालन‎ डॉ. रजनी सातोकर यांनी केले. तर प्रांत‎‎‎‎‎‎‎‎‎‎‎‎‎‎‎‎‎ सचिव नितीन काकडे यांनी आभार‎ मानले.

पूणे विद्युत ग्राहक न्यायमंचाचे‎ अध्यक्ष अॅड. अजय भोसरेकर,‎ शासनाच्या विद्युत मंडळाच्या सल्लागार‎ अॅड.गौरी चांद्रायण, ग्राहक राज‎ प्रकाशनाचे दिलीप फडके, प्रांत‎ सहसंघटक तृप्ती आकांत यावेळी‎ प्रामुख्याने उपस्थित होते. विदर्भा प्रांतातून‎ ग्राहक पंचायतीचे कार्यकर्ते मोठ्या संख्येत‎ अभ्यासवर्गात सहभागी झाले. प्रकाश‎ चणेवार, शेखर बंड, श्रीराव, राधामल‎ जाधवाणी, राजेंद्र कठाळे, अॅड. अनुपमा‎ दाते, मतीन खान, डॉ. के. एस. वर्मा, तृप्ती‎ गुघाणे ईत्यादी अनेक कार्यकर्त्यांनी‎ यशस्वीपणे परिश्रम घेत आहेत.‎