कारवाई‎:देशी कट्ट्यासह फिरणाऱ्या‎ तरूणाला घेतले ताब्यात‎

देशी कट्टा घेवून शहरात मिरवणाऱ्या एका तरूणाला‎ पोलिसांनी ताब्यात घेवून त्यांच्याकडून देशी कट्टा‎ आणि एक जिवंत काडतूस जप्त केले. ही कारवाई‎ शहरातील काकडदाती ग्रामपंचायतीच्या हद्दीत‎ सांडवा-मांडवा मार्गावर डी.बी. पथकाची पार‎ पाडली. सूरज नरवाडे वय २१ वर्ष रा. काकडदाती‎ असे ताब्यात घेतलेल्या तरूणाचे नाव आहे.‎ पुसद शहरात दिवसेंदिवस देशी कट्टा बाळगून गुन्हे‎ करणारे गुन्हेगार वाढत आहे. त्या अनुषंगाने दोन‎ दिवसांपूर्वीच पोलिस ठाण्यात नव्याने रूजू झालेले‎ ठाणेदार शंकर पांचाळ यांनी अधिकारी,‎ कर्मचाऱ्यांना आवश्यक त्या सूचना देऊन‎ गुन्हेगारावर आवर घालण्याचे निर्देश दिले होते.‎

अश्यात डि.बी पथकाला काकडदाती येथे राहणाऱ्या‎ सूरज नरवाडे या तरूणाकडे देशी कट्टा असल्याची‎ गोपनीय माहिती मिळाली होती. त्यावरून रविवारी‎ सांडवा-मांडवा मार्गावर पोलिसांनी सापळा रचून‎ सूरज नरवाडे या तरुणाकडून ताब्यात घेत त्याची‎ झडती घेतली. यावेळी त्याच्याजवळ एक देशी‎ बनावटीचा कट्टा आणि एक जिवंत काडतूस‎ आढळून आले. या प्रकरणी शहर पोलिस ठाण्यात‎ विविध कलमान्वये गुन्हे नोंद करण्यात आले आहे.‎ ही कारवाई उपविभागीय पोलिस अधिकारी पंकज‎ अतुलकर, ठाणेदार शंकर पांचाळ यांच्या‎ मार्गदर्शनात शहर डीबी पथकाचे प्रमुख पोलिस‎ उपनिरिक्षक अनिल सावळे, पथकातील प्रफुल्ल‎ इंगोले, गिरीश बेंद्रे, शुध्दोधन भगत, आकाश‎ बाबुळकर, वैजनाथ पवार यांनी पार पाडली.‎