गळफास घेऊन आत्महत्या‎:नापिकी, कर्जफेडीच्या विवंचनेतून‎ युवकाची गळफास घेऊन आत्महत्या‎

तालुक्यातील आष्टा येथील २८ वर्षीय‎ युवकाने घरातच साडीच्या साहाय्याने‎ आड्याला गळफास घेऊन आत्महत्या‎ केल्याची घटना रविवार, १२ मार्चला‎सकाळी ७ वाजता‎उघडकीस आली.‎दीपक‎पुरणलाल सहदेव‎(वय -२८) रा.‎आष्टा असे‎ मृतकाचे नाव आहे. दीपकने राहत्या‎ घरी ११ मार्च मध्यरात्री आड्याला‎ साडीने गळफास घेऊन आत्महत्या‎ केली. ही बाब रविवारी सकाळी‎ उघडकीस आली. मृतकाच्या‎ वडिलांच्या नावाने ३ एकर शेती असून,‎ त्या शेतीच्या भरवशावर परिवाराचा‎ उदरनिर्वाह दीपक चालवत होता.‎ सततची नापिकीमुळे कर्जाचा बोजा‎ होता.

खासगी फायनान्सचे दीड लाख‎ व एका बँकेचे ५ लाख रुपये कर्ज‎ असल्याने त्याने आत्महत्या केल्याचे‎ नातेवाइकांनी सांगितले. या प्रकरणी‎ पोलिसांनी घटनेचा पंचनामा करून‎ मृतदेह उत्तरीय तपासणीसाठी ग्रामीण‎ रुग्णालयात पाठवला. मृतकाच्या‎ पश्चात आई, वडील, पत्नी, १ मुलगी‎ व भाऊ असा आप्त परिवार आहे. या‎ प्रकरणी दिग्रस पोलिसांनी आकस्मिक‎ मृत्यूची नोंद केली असून, पुढील तपास‎ पोलिस निरीक्षक धर्मराज सोनुने,‎ उपनिरीक्षक नरेंद्र मानकर, उपनिरीक्षक‎ विनाश जाधव व एएसआय रमेश‎ जाधव करत आहे.‎

अपघातात पायाला‎ दुखापत झाल्याच्या त्रासापायी‎ कंटाळून एका व्यक्तीने घरीच‎ दरवाजाला गळफास घेऊन‎ आत्महत्या केली. ही घटना‎ तालुक्यातील किनवट येथे‎ रविवारी सकाळी उघडकीस‎ आली. गजानन घनश्याम‎ बहादुरे वय ४५ रा. किनवट‎ असे गळफास घेऊन‎ आत्महत्या करणाऱ्याचे नाव‎ आहे. घटनेनंतर पोलिसांनी‎ मृतदेह उत्तरीय तपासणीसाठी‎ पाठवून अकस्मात मृत्यूची नोंद‎ केली आहे.‎