नात्याला काळिमा:लग्नाच्या आमिषाने आते भावाकडून अल्पवयीन मामे ‎बहिणीवर अत्याचार‎, गरोदर राहिल्याने समोर आला प्रकार

१७ वर्षीय अल्पवयीन मामे बहिणीला‎ लग्नाचे आमिष दाखवून वारंवार‎ शारिरीक संबंध प्रस्थापित करणाऱ्या‎ आते भावावर ग्रामीण पोलिस ठाण्यात‎ गुन्हा नोंद करण्यात आला. ही घटना‎ यवतमाळ तालुक्यातील एका गावात‎ घडली असून पोलिसांनी २२ वर्षीय आते‎ भावाला अटक केली आहे.

रविवारी‎ त्याला न्यायालयात हजर केले असता,‎ न्यायालयाने तीन दिवसाची पोलिस‎ कोठडी सुनावली आहे.‎ या प्रकरणी पोलिस सूत्रांकडून‎ मिळालेल्या माहितीनूसार, १७ वर्षीय‎ अल्पवयीन मुलगी शाळेला‎ उन्हाळ्याच्या सुट्या असल्याने १२ मार्चला यवतमाळ तालुक्यातील एका‎ गावात आपल्या आत्याकडे आली होती.‎

त्यानंतर तिचे आत्याच्या मुलासोबत‎ प्रेमसंबंध जुळले. दरम्यान, आत्याच्या‎ मुलाने तिला लग्नाचे आमिष दाखवून‎ तिच्यासोबत शारिरीक संबंध प्रस्थापीत‎ केले. दरम्यान, काही दिवसानंतर तिची‎ प्रकृती खराब झाल्याने कुटुंबीयांनी तिला‎ रुग्णालयात दाखल केले.

डॉक्टरांनी‎ तपासणी करीत ती दीड महिन्याची‎ गरोदर असल्याचे सांगितले. या घटनेचे‎ गांभीर्य लक्षात घेता डॉक्टरांनी थेट‎ ग्रामीण पोलिसांना याबाबत माहिती‎ दिली. त्यानंतर पोलिसांनी त्या ठिकाणी‎ धाव घेत अल्पवयीन मुलीच्या‎ आईसोबत संपर्क साधत घटनेची माहिती‎ दिली.

ही बाब ऐकताच अल्पवयीन‎ मुलीच्या कुटुंबीयांच्या पायाखालची‎ जमीनच सरकली. या प्रकरणी मुलीच्या‎ आईने दिलेल्या तक्रारीवरून ग्रामीण‎ पोलिस ठाण्यात विविध कलमान्वये गुन्हे‎ नोंद करण्यात आले आहे.‎ या प्रकरणी ग्रामीण पोलिसांनी‎ रविवारी आते भावाला ताब्यात घेत‎ न्यायालयात हजर केले. यावेळी‎ न्यायालयाने तीन दिवसाची पोलिस‎ कोठडी सुनावली आहे. या प्रकरणाचा‎ पुढील तपास ठाणेदार प्रकाश‎ तुनकलवार यांच्या मार्गदर शनाखाली‎ पोलिस उपनिरीक्षक पांडुरंग कौराशे,‎ ज्ञानेश्वर मातकर करीत आहे.‎