पीडितेचा न्यायालयात जबाब‎:मुलीच्या अपहरणप्रकरणी‎ आरोपीला पोलिस कोठडी‎

वसंतनगर पोलिस ठाण्याच्या हद्दीत‎ गल्ली क्र. दोनमधील अल्पवयीन‎ शाळकरी मुलीच्या अपहरण झाले होते.‎ या अपहरण प्रकरणाने गंभीर वळण‎ घेतले असून, दबावात असलेल्या‎ पीडिताने तिची आपबीती पुसद‎ न्यायालयाच्या न्यायाधीशांसमोर‎ सांगितली. त्यावरून वसंतनगर पोलिस‎ ठाण्यात गंभीर गुन्हा दाखल केला‎ असून, न्यायालयाने आरोपीला पोलिस‎ कोठडी सुनावली आहे.

मोईन खान‎ (२२) असे अटक करण्यात आलेल्या‎ आरोपीचे नाव आहे.‎ १९ जानेवारी रोजी शाळेत जाते‎ म्हणून घरून निघालेली अल्पवयीन‎ मुलगी घरी परतलीच नाही. पीडितेच्या‎ आईच्या तक्रारीवरून वसंतनगर पोलिस‎ ठाण्यात अज्ञात घटनेत आरोपीवर‎ भादंवी ३६३ अन्वये गुन्हा दाखल करून‎ पोलिसांनी तपास सुरू केला. दरम्यान,‎ बेपत्ता मुलगी २० जानेवारीचे रात्री‎ उशीरा मिळून आली.

सुरूवातीला तिने‎ कुणावरही आक्षेप घेतला नव्हता. तिच्या‎ वागण्यावरून ती दबावाखाली‎ असल्याचे पोलिसांना वाटतं होते.‎ त्यामुळे तिला विश्वासात घेऊन तिचा‎ थेट न्यायालयात जबाब घेतला गेला.‎ तिने सांगितलेले वास्तव धक्कादायक‎ होते. तिला पळवून नेऊन लैंगिक‎ अत्याचार केला असल्याबाबतचा‎ जवाब तीने न्यायालयात दिला.

त्यामुळे‎ गंभीर वळण घेणाऱ्या या प्रकरणी ३६३‎ व्यतिरिक्त ३७६ (२), ३७६ (३), ३२३,‎ ५०६,पोक्सो ४, ६, ८, १२ कलमांचा‎ समावेश करण्यात आला. दरम्यान‎ शहरातील मोईनला दि. ९ फेब्रुवारीपर्यंत‎ न्यायालयाने पोलिस कोठडी ठोठावली‎ आहे. ठाणेदार प्रवीण नाचणकर यांच्या‎ मार्गदर्शनाखाली सहा. पोलिस निरीक्षक‎ संतोष मातोंडकर यांनी आरोपीला‎ हैदराबाद येथून बोलावून घेतले हे‎ विशेष. बेपत्ता मुलगी मिळून आली‎ त्याच्या दुसऱ्या दिवशी पुसदमध्ये लव्ह‎ जिहाद विरोधात मोर्चा होणार होता. या‎ प्रकरणात पोलिसांची भूमिका महत्त्वाची‎ ठरणार आहे.‎