महसूल अधिकाऱ्यांच्या प्रशासकीय बदल्या‎:आरडीसींसह वणी,यवतमाळ,राळेगाव उपविभागीय अधिकाऱ्यांचासुद्धा समावेश‎

जिल्ह्यातील महसूल विभागातील‎ अधिकाऱ्यांच्या प्रशासकीय बदल्यांचे‎ आदेश मंगळवार, दि. ११ एप्रिल रोजी‎ निर्गमित झाले. यात निवासी‎ उपजिल्हाधिकाऱ्यांसह वणी, राळेगाव‎ आणि यवतमाळ उपविभागीय‎ अधिकाऱ्यांचीसुद्धा बदली झाली आहे. तर‎ रिक्त असलेल्या भूसंपादन, रस्ते प्रकल्प‎ कार्यालयातील उपजिल्हाधिकाऱ्यांच्या‎ पदावर बदलीतून अधिकाऱ्यांची नेमणूक‎ करण्यात आली. दरवर्षी एप्रिल, मे महिन्यात‎ महसूल, जिल्हा परिषद प्रशासकीय‎ अधिकाऱ्यांच्या बदल्यांचे सत्र सुरू होते.‎

यंदा सर्वप्रथम महसूल विभागातील‎ अधिकाऱ्यांच्या बदलीचे आदेश निर्गमित‎ झाले. यात निवासी उपजिल्हाधिकारी‎ ललीतकुमार वऱ्हाडे यांची वाशिम‎ जिल्ह्यातील कारंजा येथे उपविभागीय‎ अधिकारी पदी बदली झाली. तर यवतमाळ‎ उपविभागीय अधिकारी अनिरूद्ध बक्षी‎ यांची अमरावती जिल्ह्यातील मोर्शी येथे‎ बदली झाली. तर त्यांच्या जागेवर बुलढाणा‎ येथून राजेश्वर हांडे येणार आहे. वणी‎ उपविभागीय अधिकारी शरद जावळे यांची‎ अकोला येथे, तर त्यांच्या जागेवर मोर्शी‎ येथील नितीनकुमार हिंगोले यांची नेमणूक‎ करण्यात आली. राळेगाव उपविभागीय‎ अधिकारी शैलेश काळे यांची बुलढाणा येथे‎ उपविभागीय अधिकारी पदी नेमणूक‎ करण्यात आली. त्यांच्या जागेवर सध्या‎ कुणाचीही नेमणूक केली नाही.

विशेष‎ म्हणजे गेल्या काही महिन्यापासून रिक्त‎ असलेल्या भूसंपादन, रस्ते प्रकल्प‎ कार्यालयाच्या उपजिल्हाधिकारी पदी‎ वाशिम येथील उपविभागीय अधिकारी‎ प्रकाश राऊत यांची बदली करण्यात आली.‎ सध्या यवतमाळ येथील निवासी‎ उपजिल्हाधिकारी म्हणून कुणाचीही नेमणूक‎ करण्यात आली नाही, .‎ लवकरच तहसीलदारांच्या होणार‎ बदल्या जिल्ह्यातील काही‎ तहसीलदारांच्यासुद्धा बदल्या येत्या काही‎ दिवसांत होण्याची चिन्हे आहेत. जैसे थे‎ परिस्थितीत राहण्यासाठी काही तहसीलदार‎ लोकप्रतिनिधींचे दरवाज ठोठावत आहे. तर‎ यवतमाळ तहसीलदार म्हणून रूजू‎ होण्यासाठी काही जणांनी कंबर कसली‎ आहे. यात सर्वांधिक चर्चा पालकमंत्र्यांच्या‎ मतदार संघातील तहसीलदारांची सुरू आहे.‎