चौकशीची मागणी‎:उमरखेडात नियमांची पायमल्ली करत‎ ठेकेदाराकडून मनमानी कारभार‎ ; प्रहार जनशक्ती पक्षाचे जिल्हाधिकाऱ्यांना निवेदन

उमरखेड शहरात सार्वजनिक‎ बांधकाम विभाग पुसद व‎ सार्वजनिक बांधकाम उपविभाग‎ उमरखेड यांच्यामार्फत अधिसूचित‎ विशिष्ट नागरिक सेवा व सुविधा‎ पुरवण्यासाठी अनुदान योजनेअंतर्गत‎ कामांमध्ये नियमांना तिलांजली देत‎ संबंधित ठेकेदारांकडून कामे होत‎ असतांना सार्वजनिक बांधकाम‎ उपविभाग गांधारीची भुमिका‎ बजावत असल्याचे स्पष्ट निदर्शनास‎ येत आहे.‎ उमरखेड नगर पालिका हद्दीत‎ संत चोखामेळा वार्ड येथील विनोद‎ पराते ते संजय इंगोले यांच्या‎ घरापर्यंत जाणारा सी.सी रोड तयार‎ करणे व पुरुषोत्तम काळे यांच्या‎ घरापासून उकंडा लांबटीळे यांच्या‎ घरापर्यंत जाणारा सी.सी रस्ता व‎ लाधिकरण करणे हे काम कार्यकारी‎ अभियंता सार्वजनिक बांधकाम‎ विभाग पुसद यांनी दि. ११ नोव्हेंबर‎ २०२२-२३ जा. क्र. ५२०९ या पत्राद्वारे‎ सहाय्यक संचालक माहिती व‎ जनसंपर्क संचालक महाराष्ट्र शासन‎ यांना ई- निविदा सूचना क्र १८‎ /२०२२-२३ ही वृत्तपत्रात प्रसिद्ध‎ करणे विषयी विनंती अर्ज केला त्या‎ विनंती अर्जावर वरील प्रमाणे‎ निविदा काम क्र. १७ मध्ये विनोद‎ पराते ते संजय इंगोले यांच्या‎ घरापर्यंत सी.सी रोड तयार करणे व‎ पुरुषोत्तम काळे यांच्या घरापासून‎ उकंडा लांबटिळे यांच्या घरापर्यंत‎ जाणारा सी .सी रस्ता व लाधिकरण‎ करणे असे नमूद आहे. असताना‎ सुद्धा सदर जागेवर संबंधित‎ ठेकेदाराने निविदा क्र. १८ /२०२२-२३‎ काम क्र. १७ मध्ये नमूद‎ असल्याप्रमाणे काम न करता दोन्ही‎ रस्त्यांवर फक्त लाधिकरणाचे काम‎ करून कामात भ्रष्टाचार करून‎ ,शासनाने दिलेल्या अटी शर्यतींचे व‎ नमूद करून दिलेले काम न करता,‎ मनमानी स्वरूपाचे काम करून‎ शासनाची आर्थिक फसवणूक केली‎ आहे. उमरखेड येथील अधिकारी व‎ कर्मचारी यांच्यावर कडक कारवाई‎ करावी असे तक्रार निवेदनातून‎ मागणी जिल्हाधिकारी यांच्याकडे‎ प्रहार जनशक्ती पक्षाचे शहर प्रमुख‎ राहुल मोहितवार यांनी केली.‎