सुगंधित तंबाखू जप्त:चारचाकीसह 17 लाखांचा‎ सुगंधित तंबाखू केला जप्त‎

शहरातील घोन्सा मार्गावर‎ असलेल्या एका गोदामात एलसीबी‎ पथकाने धाड टाकून मालवाहू‎ वाहनासह १७ लाखाहून अधीक‎ रूपयांचा सुगंधित तंबाखू जप्त‎ करण्यात आला. ही कारवाई‎ रविवार, दि. ५ फेब्रुवारीला दुपारी‎ करण्यात आली असून एकाला‎ ताब्यात घेण्यात आले आहे. या‎ कारवाईमुळे शहरात एकच‎ खळबळ उडाली असून शेख मजीद‎ शेख नजीर वय ५२ वर्ष रा. बदकी‎ भवन, मारेगाव असे ताब्यात घेण्यात‎ आलेल्या तस्कराचे नाव आहे.‎ या प्रकरणी पोलिस सूत्रांकडून‎ मिळालेल्या माहितीनूसार, मारेगाव‎ शहरातील घोन्सा मार्गावर‎ असलेल्या बदकी भवनमागील एका‎ गोदामात मोठ्या प्रमाणात सुगंधित‎ तंबाखू साठवून होता. याबाबतची‎ गोपनीय माहिती एलसीबी पथकाला‎ मिळाली होती.

त्यावरून रविवारी‎ एलसीबी पथकातील अधिकारी,‎ कर्मचाऱ्यांनी सापळा रचून त्या‎ गोदामावर धाड टाकली. यावेळी‎ प्रतिबंधित सुगंधित तंबाखू आणि‎ एमएच-२९-बीई-२४५३ मालवाहू‎ टाटा एस वाहन असा एकूण १७‎ लाख ६० हजार ४६२ रुपयाचा‎ मुद्देमाल जप्त करण्यात आला. या‎ प्रकरणी मारेगाव पोलिस ठाण्यात‎ विविध कलमान्वये गुन्हे नोंद करीत‎ एलसीबी पथकाने मजीद शेख याला‎ ताब्यात घेतले. ही कारवाई पोलिस‎ अधीक्षक डॉ. पवन बन्सोड, अपर‎ पोलिस अधीक्षक पीयूष जगताप,‎ एलसीबी प्रमुख पोलिस निरीक्षक‎ प्रदीप परदेशी यांच्या मार्गदर्शनात‎ एलसीबीतील सहायक पोलिस‎ निरीक्षक अमोल मुडे, पोलिस‎ उपनिरीक्षक योगेश रंदे, सुधीर पांडे,‎ सुनील खंडागळे, उल्हास कुरकुटे,‎ नीलेश निमकर, सतीश फुके, यांनी‎ पार पाडली.‎