अटक:ॲट्रॉसिटीच्या प्रकरणातील‎ आरोपींना त्वरित अटक करा‎

तालुक्यातील बोरगडी येथील सरकारी‎ स्मशान भूमीत गावकऱ्यांनी शकुंतलाबाई ढगे‎ यांच्यावर अंत्यसंस्कार करीत असताना आशाताई‎ कदम व त्यांच्या साथीदारांनी अंत्यविधी करण्यास‎ मज्जाव केला. सरणावर बसून जातीवाचक‎ शिवीगाळ करून वादंग निर्माण केल्याने एकच‎ खळबळ उडाली होती. या घटनेनंतर गावकरी तथा‎ समाजाच्या वतीने पोलिस ठाण्यात तक्रार देण्यात‎ आली.

त्यावरून ॲट्रॉसिटीसह विविध‎ कलमानुसार गुन्हे दाखल झाले. परंतु एवढी गंभीर‎ घटना घडवून सुद्धा आरोपीस अटक केली नाही.‎ यामुळे गावात व समाजामध्ये तीव्र संताप व्यक्त‎ होत होता. ॲट्रॉसिटीच्या गुन्ह्यातील आरोपींना‎ त्वरित अटक करण्यात यावे, या मागणीसाठी दि. २‎ डिसेंबरला मोर्चाचे आयोजन करण्यात आले होते.‎ उपविभागीय अधिकारी यांना विविध संघटनेकडून‎ करून निवेदन देण्यात होते. यावेळी भीम टायगर‎ सेनेचे जिल्हाध्यक्ष किशोर कांबळे, लक्ष्मण‎ कांबळे, बाबाराव उबाळे, दिनेश खांडेकर, राजेश‎ ढोले,अशोक ढोले, अर्जुन भगत, नितेश खंदारे‎ यांच्यासह गीता कांबळे व महिला मोठ्या संख्येने‎ उपस्थित होत्या.‎