आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

सुरक्षा वाऱ्यावर:शासकीय रुग्णालयात निवासी‎ डॉक्टरांवर प्राणघातक हल्ला‎

यवतमाळ‎एका महिन्यापूर्वी
  • कॉपी लिंक

जिल्हा रुग्णालयातील दोन निवासी‎ डॉक्टरांवर रुग्णाकडून प्राणघातक‎ हल्ला करण्यात आला. ही घटना‎ जिल्हा रुग्णालयात गुरुवारी सायंकाळी‎ ८ वाजताच्या सुमारास घडली.‎ अभिषेक झा आणि जेबीस्टन पॉल‎ असे गंभीर जखमी असलेल्या‎ डॉक्टरांची नावे आहेत.‎ यवतमाळ जिल्हा रुग्णालयात‎ निवासी डॉक्टर अभिषेक झा आणि‎ जेबीस्टल पॉल वॉर्ड क्रमांक २५ मध्ये‎ कर्तव्य पार पाडत होते. यावेळी एका‎ रुग्णाने अचानक दोन्ही डॉक्टरांवर‎ चाकूने हल्ला केला. यात एका‎ डॉक्टरच्या हाताला जखम झाली तर‎ दुसऱ्या डॉक्टरच्या गालावर, गळ्यावर‎ गंभीर जखमा झाल्या.

घटनेची माहिती‎ रुग्णालयात पसरताच संपूर्ण डॉक्टरांनी‎ एकत्र येत काम बंद केले. रुग्णालयाचे‎ मुख्य प्रवेशद्वार बंद करत रुग्णालयात‎ येणारी व बाहेर जाणारी वाहने‎ थांबवली. पोलिस अधीक्षक डॉ. पवन‎ बनसोड, उपविभागीय पोलिस‎ अधिकारी संपतराव भोसले, ठाणेदार‎ नंदकुमार पंत यांनी धाव घेत जखमी‎ डॉक्टरांच्या प्रकृतीची पाहणी केली.‎ डॉक्टरांनी नारेबाजी करत रुग्णालयाचे‎ डिन आणि पोलिस प्रशासनाचा निषेध‎ नोंदवला.‎ डॉक्टरांवरील हल्ल्यानंतर रुग्णालयातील डॉक्टरांनी काम बंद करत जोरदार‎ घोषणाबाजी केली. या डॉक्टरांशी पोलिस अधीक्षकांनी चर्चा केली.‎

गेल्यावर्षी झाली होती‎ डॉक्टरची हत्या‎ एमबीबीएसच्या अंतिम वर्षातील‎ शिकाऊ डॉ. अशोक पाल‎ यांचीवर्षभरापू र्वी रुग्णालय‎ परिसरात हत्या करण्यात आली‎ होती. त्यावेळी हल्लेखोरांना अटक‎ करण्याच्या मागणीसाठी बरेच दिवस‎ डॉक्टरांनी आंदोलन पुकारले होते.‎ त्यानंतर मारेकरी अटक करण्यात‎ आल्याने आंदोलन मागे घेण्यात‎ आले होते. दरम्यान गुरुवारी‎ रुग्णालयात डॉक्टरवर प्राणघातक‎ हल्ल्याची ही दुसरी धक्कादायक‎ घटना घडली.‎

सुरक्षा यंत्रणा पडतेय‎ अपुरी‎ जिल्हा रुग्णालयात होणाऱ्या‎ घटनांवर आळा घालण्यासाठी‎ जिल्हा रुग्णालयाची स्वतंत्र सुरक्षा‎ यंत्रणा आहे.मध्यंतरी झालेल्या‎ डॉक्टरच्या खुनाच्या घटनेनंतर‎ रुग्णालयातील सुरक्षा यंत्रणा मजबूत‎ करुन सर्वत्र सीसीटीव्ही कॅमेरेही‎ लावण्यात आले आहेत.मात्र‎ गुरुवारी रात्री घडलेली घटना पाहता‎ ही सुरक्षा यंत्रणाही अपुरी पडत‎ असल्याचे दिसून येत आहे.‎

महिनाभरापूर्वी दोन गटात हल्ला‎ जिल्हा शासकीय रुग्णालयातील अपघात विभागात दोन गटात सशस्त्र‎ हाणामारी झाल्याची घटना महिनाभरापूर्वी घडली होती. हा सर्व प्रकार‎ रुग्णालयातील सीसीटीव्हीत कैद झाल्याने सर्वत्र व्हायरल होत होता. या‎ घटनेचे गांभीर्य लक्षात घेता पोलिस प्रशासनाने दहा जणांवर गुन्हा दाखल‎ केला होता.‎

बातम्या आणखी आहेत...