शारीरिक बल व मानसिक‎ शक्तीची देवता श्री हनुमान‎:अंबिका माता यांचे प्रतिपादन; श्री हनुमान जन्मोत्सव समारोह‎

६७ वर्षापासून सातत्याने श्री हनुमान‎ जन्मोत्सव साजरा करणारे हनुमान‎ आखाडा चौक स्थित हनुमान मंदिरात‎ जन्मोत्सवाचा शुभारंभ कीर्तन‎ महोत्सवाने करण्यात आला. उद्घाटन‎ बोपापूरवासी महंत अंबिकामाता यांचे‎ शुभहस्ते पार पडले. उद्घाटनीय‎ आशिर्वादपर संबोधनात शारीरिक बल‎ व मानसिक शकतीची देवता श्री‎ हनुमान आहे. त्यांची उपासना करा,‎ अशा उपक्रमाने समाजात भक्तीची‎ भावना दृढ तर होतेच सोबतच‎ सामाजिक सलोखा, देव, देश व‎ धर्माप्रती दायीत्वाची भावना वृध्दिंगत‎ होते. समाजाला अशाच प्रबोधनपर‎ उपक्रमाची गरज आहे. हनुमंताची‎ दिव्‍य शक्ती आपणास सतत प्रेरित‎ करो, असा आशिर्वाद त्यांनी या प्रसंगी‎ दिला.‎

किर्तन महोत्सवातील प्रथम पुष्प‎ गुंफताना श्रध्दा समर्पण आणि भाव‎ हिच भक्तीची बलस्थाने आर्त,‎ अर्थाथी, जिज्ञासू ज्ञानी हे चार भक्तांचे‎ प्रकार आहे. पण यतार्थ ज्ञान संपादन‎ करुन जे जे आपणासी ठावे ते इतरांना‎ शिकवावे, ते वाटावे तेव्‍हाच त्या‎ ज्ञानावर अहंकाराचा शेवाळ चढणार‎ नाही असे प्रतिपादन हभप विनोद‎ महाराज खोंड यांनी केले. भक्त ऐसे‎ जाणा जे देही उदास गेले आशा पाश‎ विसरोनी हा संतश्रेष्ठ तुकोबारायांचा‎ अभंग त्यांनी निरुपणासाठी घेतला.‎

साध्वी अंबिका मातेचा सन्मान‎ सुलोचना देवी ईश्वरी राय व शिलादेवी‎ गोविंद यादव यांनी केला तथा संवादीनी‎ वादक देविदास पाटमासे व तबला‎ वादक सौरभ देवधर व किर्तनकार‎ हभप विनोद महाराज खोंड नागपूर‎ (उमरेड) यांचा सत्कार सुभाष यादव‎ यांनी केला. उत्तरार्धात गुरु शिष्यांची‎ महती विषद करताना समर्थ रामदास‎ स्वामी व त्यांचे शिष्य अज्ञान यांचा‎ कथाभाग कथन केला. खरा गुरु तोच‎ असतो जो शिष्याला आपणा सारीखे‎ करिती तात्काळ नाही काळवेळ तथा‎ लागी अशा आपल्या शिष्याला‎ परमपदाची प्राप्ती करुन देणारे समर्थ व‎ त्यांचा शिष्य अज्ञान हा कथाभाग‎ श्रोत्यांना मनस्वी भावला. आरतीचे‎ यजमानपद ईश्वर राय वासुदेवराव‎ बाविस्कर, गोविंद यादव, नंदकुमार‎ बदनोरे यांनी भुषविले.‎