मान्यता प्राप्त हॉकी स्पर्धा:हॉकी असोसिएशन ऑफ डिस्ट्रिक्टला‎ संलग्न, नोंदणी करण्याचे आवाहन‎

हॉकी इंडियाच्या गाइडलाइननुसार हॉकी‎ इंडिया दिल्ली व हॉकी महाराष्ट्र पुणे यांच्या‎ विद्यमाने आयोजित होणाऱ्या सर्व‎ सबज्युनियर मुले-मुली, ज्युनिअर मुले-मुली,‎ सिनियर मुले यांच्या स्पर्धेत खेळाडू नोंदणी‎ करणे अनिवार्य आहे. हॉकी असोसिएशन‎ ऑफ डिस्ट्रिक्ट यवतमाळला संलग्न अथवा‎ खेळाडू नोंदणी करणे अतिशय महत्त्वाचे‎ आहे. नोंदणी असल्याशिवाय कोणत्याही‎ खेळाडूला मान्यता प्राप्त हॉकी स्पर्धेत भाग‎ घेता येणार नाही.‎ सिनियर गटात मुले-मुली वरिष्ठ गट‎ जिल्हास्तरीय प्रेसिडेंट कप लवकरच‎ आयोजित करण्यात येणार आहे. त्यासाठी‎ सर्व डिपार्टमेंट, क्लब, शाळा, कॉलेज यांनी‎ आपल्या टीमचा प्रवेश निश्चित करावा.‎ निवड चाचणीसाठी सुद्धा नोंदणी‎ असल्याशिवाय भाग घेता येणार नाही.

हॉकी‎ इंडियाच्या गाइडलाइननुसार सर्व स्पर्धेचे‎ आयोजन करण्यात येणार आहे. इतर स्पर्धेत‎ कोणतेही खेळाडू पंच सहभागी झाल्यास‎ हॉकी महाराष्ट्राच्या आदेशानुसार कार्यवाही‎ करून बंदी घालण्यात येईल. हॉकी इंडिया‎ दिल्ली संलग्न हॉकी महाराष्ट्र पुणे ही एकमेव‎ मान्यता प्राप्त संघटना महाराष्ट्रात अस्तित्वात‎ आहे. हॉकी असोसिएशन ऑफ डिस्ट्रिक्ट‎ यवतमाळ ही सुद्धा एकमेव मान्यता प्राप्त‎ संघटना असून, दुसरी कोणतीही संघटना‎ अस्तित्वात नाही. याची खेळाडू प्रशिक्षक व‎ पंच यांनी नोंद घ्यावी, असे हॉकी इंडियाची‎ युनिट सदस्य, हॉकी महाराष्ट्राचे उपाध्यक्ष‎ मनीषा आखरे तसेच सचिव महाराष्ट्र संलग्न‎ हॉकी असोसिएशन ऑफ डिस्ट्रिक्ट‎ यवतमाळ यांनी कळवले आहे.‎