शहरातील जि. प. कार्यालय परिसरातील घटना‎:भरधाव आलिशान कारच्या‎ धडकेत ऑटोचालक ठार‎

भरधाव‎ आलिशान कारने‎ उभ्या अॅटोला‎मागच्या दिशेने‎येवून जबर धडक‎दिली असून या‎ धडकेत अॅटोत बसून असलेल्या‎ चालकाचा जागीच मृत्यू झाला. ही‎ धक्कादायक घटना सोमवार, दि. ३‎ एप्रिलला पहाटे ३.२५ वाजताच्या‎ सुमारास शहरातील जिल्हा परिषद‎ कार्यालयासमोर घडली. जय सुनील‎ काठोडे वय २३ वर्ष रा. रोहीनी‎ सोसायटी जांबरोड, यवतमाळ असे‎ मृत ऑटो चालकाचे नाव आहे.‎ या प्रकरणी पोलिस सुत्रांकडून‎ मिळालेल्या माहितीनूसार,‎ शहरातील जांबरोड परिसरातील‎ रोहीनी सोसायटीत जय काठोडे‎ कुटूंबीयासंह राहत असून ऑटो‎ चालक म्हणून काम करीत होता.‎ रविवारी रात्री जय हा बसस्थानक‎ परिसरात ऑटो घेवून भाड्याची‎ वाट बघत होता. यावेळी जय याचा‎ चुलत भाऊ रवी मडावी त्या‎ ठिकाणी आला.

दरम्यान जय हा‎ रवीला म्हणाला की, इथून भाडे‎ मिळणार नाही, बसस्थानक‎ सिग्नलवर ट्राव्हल्स येण्याची वेळ‎ झाली, तिथून भाडे मिळेल म्हणून‎ रवीला घेवून बसस्थानक‎ सिग्नलकडे निघाला. त्यानंतर काही‎ अंतरावर असलेल्या जिल्हा‎ परिषदसमोर रवी याने जयला ऑटो‎ थांबविण्यास सांगितले आणि रवी‎ लघुशंकेसाठी खाली उतरला.‎ यावेळी नविन बसस्थानककडून‎ आलिशान कार एमजी हेक्टर‎ क्रमांक एमएच-२९-बीपी-०९९९‎ भरधाव येतांना रवीला दिसली.‎ त्यामूळे रवी याने जोरजोरात‎ आवाज देत जयला अॅटोतून बाहेर‎ निघण्यास सांगण्याचा प्रयत्न केला.‎

संतप्त नागरिकांनी‎ पेटवली कार‎ भरधाव आलिशान कार एमजी‎ हेक्टरने अॅटोला धडक दिल्यानंतर‎ पळ काढला होता. तर दुसरीकडे‎ अपघातात ऑटो चालका जय याचा‎ मृत्यू झाला होता. यावेळी‎ नागरिकांनी त्या आलीशाल कारचा‎ शोध घेतला. ती कार दत्त चौक‎ भाजी मार्केट परिसरात नागरिकांनी‎ सकाळच्या सुमारास आढळून‎ आली. त्यानंतर संतप्त नागरिकांनी‎ ती कार चक्क पेटविली. दरम्यान‎ परिसरातील नागरिकांच्या ही बाब‎ लक्षात येताच त्यांनी नगरपालिका‎ अग्निशमल दलाला पाचारण केले.‎ अग्निशमन विभागाचे कर्मचारी‎ येईपर्यंत कार जळून खाक झाली‎ होती.‎