दिव्य मराठी विशेष:महिलांसमोरील सद्य:स्थितीतील आव्हानांवर प्रबोधन‎

क्रांतिज्योती सावित्रीच्या लेकी महिला आधार‎ फाउंडेशन, मंगरूळ चव्हाळा यांच्या वतीने‎ महिला सक्षमीकरण व आरोग्य मार्गदर्शन‎ कार्यक्रमांच्या माध्यमातून वैचारिक प्रबोधनपर‎ कार्यक्रम नुकताच पार पडला.‎ मुख्य मार्गदर्शक म्हणून सामाजिक‎ कार्यकर्त्या पूर्ती लाखोडे यांनी महिलांसमोरील‎ सध्याच्या वातावरणातील आव्हाने व त्याला‎ सामोरे कसे जावे यासह त्या वैद्यकीय क्षेत्रात‎ कार्यरत असल्याने आरोग्यासंदर्भात सखोल‎ मार्गदर्शन केले.

कनिष्ठ महाविद्यालयाच्या प्रा.‎ वैशाली पाटणकर यांनी आपल्या‎ कारकीर्दीतील अनुभव व स्त्री‎ सक्षमीकरणासाठी स्त्री-पुरुषांची कर्तव्ये‎ याबाबत माहिती दिली. स्त्रियांमध्ये‎ नवनिर्मितीचा ध्यास असून तिने ठरवले तर‎‎‎‎‎‎‎‎‎‎‎‎‎‎ शिवबांसारखा लोककल्याणकारी‎ चारित्र्यसंपन्न राजा जगाला देऊ शकते आणि‎ ज्या काळात स्त्री शिक्षण पाप मानले जायचे,‎ त्या काळी प्रवाहाविरुद्ध जाऊन जाेतिबांच्या‎ साथीने सावित्रीबाईंनी स्त्री शिक्षणाचे‎‎‎‎‎‎‎‎‎‎‎‎‎‎ क्रांतिकारी कार्य केले. स्त्रियांना मुख्य प्रवाहात‎ आणून समाज विकासासाठी पोषक वातावरण‎ निर्माण केले.

अशा दोन महान स्त्रिया‎ सावित्रीबाई, जिजामाता व असंख्य वीरांगना‎ आपल्याला नेहमी प्रेरणा देत राहतात. म्हणून‎ क्रांतिज्योती सावित्रीच्या लेकी महिला आधार‎ फाउंडेशनच्या वतीने महिलांना वाणासोबतच‎ वैचारिक ठेवा दिला. कार्यक्रमाचे मुख्य‎ व्यवस्थापक गणेश अवझाडे तसेच मनोज‎ गावनेर यांनी सर्व माता भगिनींच्या शक्तीला‎ जागृत करण्यासाठी सावित्री, जिजाऊंच्या‎ विचारांना साद घातली.

सतीश शिंदे यांनी‎ सामाजिक क्षेत्रात स्त्रियांनी सक्रिय‎ राहण्यासाठी उत्तेजित केले. फाउंडेशनच्या‎ अध्यक्ष नम्रता तांबटकर यांनी फाउंडेशनचे‎ कार्य व ध्येय सांगितले. अंजली इंगळे यांनी‎ सूत्रसंचालन केले, तर गौरी वारकर व रितू‎ राऊत यांनी स्वागत गीत म्हटले. या वेळी लता‎ कातोरे, लिला चवाळे, पायल गावनेर, सुशीला‎ कुकडे, रूपाली अवझाडे, अंबिका तळोकार,‎ सुनीता वारकर, रंजना गावनेर, पुष्पा अवझाडे,‎ रिंकू शिंदे, रेखा बिसने, वनिता गुल्हाने‎ यांच्यासह महिला उपस्थित होत्या.‎