आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दिव्य मराठी विशेष:बाळासाहेबांचे सामर्थ्याला संवेदनशीलतेची जोड देणारे व्यक्तिमत्व‎

पुसद‎एका महिन्यापूर्वी
  • कॉपी लिंक

बाळासाहेब देशमुख सवनेकर हे‎ सामर्थ्याला संवेदनशीलतेची जोड‎ देणारे व्यक्तीमत्व होते, असे‎ प्रतिपादन माजी जि. प. सदस्य‎ भोलेनाथ कांबळे यांनी केले. ते‎ लोकनेते व सहकार महर्षी‎ बाळासाहेब देशमुख सवनेकर यांचा‎ २८ वा स्मृतिदिन जि. प. प्रा. शाळा,‎ वडसद तांडा येथे शुक्रवार, दि. ३०‎ डिसेंबरला आयोजित मोफत‎ रक्तगट, दंतरोग तपासणी व लेखन‎ साहित्य वाटप कार्यक्रम प्रसंगी बोलत‎ होते.‎

या कार्यक्रमाला प्रमुख अतिथी म्हणून‎ गावच्या सरपंच सुषमा राठोड,‎ ग्रामपंचायत सदस्य बळीराम जाधव,‎ सामाजिक कार्यकर्ते साहेबराव‎ राठोड, प्रसिद्ध दंतरोग तज्ज्ञ डॉ.‎ गजानन धबडगे, ज्येष्ठ शिक्षण‎ विस्तार अधिकारी उत्तम चव्हाण,‎ केंद्र प्रमुख अमृतराव देशमुख,‎ संवेदना सोशल फाउंडेशनचे अध्यक्ष‎ किरण देशमुख सवनेकर, आर्या‎ लॅबचे संचालक डॉ. संजय पडोळे,‎ शाळा व्यवस्थापन समितीचे अध्यक्ष‎ मनोहर जाधव, राजेश राठोड आदी‎ मान्यवर उपस्थित होते.

कार्यक्रमाच्या‎ सुरवातीला मान्यवरांच्या हस्ते‎ बाळासाहेब देशमुख सवनेकर यांच्या‎ प्रतिमेला माल्यार्पण करुन अभिवादन‎ करण्यात आले.मान्यवरांचे स्वागत‎ पुस्तके देउन करण्यात आले.‎ शालेय विद्यार्थ्यांच्या निरोगी‎ आयुष्यासाठी आकांक्षा भिसे व‎ क्रिष्णा आंबोरे ह्या विद्यार्थ्यांनी ‎योगासनांचे प्रात्यक्षिक करुन‎ दाखविले. यानंतर साहेबराव राठोड‎ व उत्तम चव्हाण यांनी बाळासाहेब ‎देशमुख सवनेकर यांच्या जीवन ‎चरित्र्यावर प्रकाश टाकून त्यांनी‎ केलेल्या सामाजिक कार्याला उजाळा ‎दिला.

यानंतर संवेदना सोशल ‎फाउंडेशनतर्फे आयोजित कार्यक्रमात ‎दंतरोग तज्ज्ञ डॉ. गजानन धबडगे‎ यांनी विद्यार्थ्यांची दंत तपासणी करुन‎ सर्व विद्यार्थ्यांना टुथपेस्ट व ब्रश‎ मोफत दिले. त्यांना आयुर्वेदाचार्य डॉ. वैभव धबडगे व फार्मासिस्ट गिरीश‎ बोडखे यांचे सहकार्य लाभले. आर्या‎ लॅबचे संचालक डॉ. संजय पडोळे,‎ इंगळे व त्यांच्या टीमने रक्तगट‎ तपासणी केली. सर्व विद्यार्थ्यांना मान्यवरांच्या हस्ते मोफत लेखन‎ साहित्याचे वितरण केले.

या‎ कार्यक्रमाचे सूत्रसंचालन व आभार‎ प्रदर्शन शिक्षक एस.ए.राठोड यांनी‎ केले.प्रास्ताविक मुख्याध्यापक‎ एस.बी.जामगडे यांनी केले.‎ कार्यक्रमाच्या यशस्वितेसाठी संवेदना‎ सोशल फाउंडेशनचे पदाधिकारी‎ स्वप्निल देशमुख, हरगोविंद कदम,‎ जितेंद्र चिद्दरवार, मोहन बोजेवार,‎ ‎गिरधर ठेंगे, हरिभाऊ ठाकरे, शिवाजी‎ कदम यांच्यासह शाळा व्यवस्थापन‎ समितीचे अनिल जाधव,मंगल‎ चव्हाण,कमल चव्हाण,सुशीला भिसे‎ व विद्यार्थी मंडळाने पुढाकार घेतला.‎

बातम्या आणखी आहेत...