आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

दिव्य मराठी विशेष:कापरा पारधी बेड्यावर मिळणार मूलभूत सोयी सुविधा‎

यवतमाळ‎एका महिन्यापूर्वी
  • कॉपी लिंक

यवतमाळ तालुक्यातील कापरा‎ पारधी बेड्यावरील ३०० कुटुंब गेल्या‎ पन्नास वर्षांपासून मूलभूत‎ सुविधेपासून वंचित आहे. त्यांना‎ मूलभूत सुविधा मिळावी म्हणून‎ गुरुदेव युवा संघाच्या वतीने‎ आजपर्यंत थेट मुख्यमंत्री, राज्यपाल‎ यांना तक्रारी, निवेदने देण्यात आले.‎ गुरुदेव संघाच्या तक्रारीची दखल घेत‎ थेट सहाय्यक जिल्हाधिकारी तथा‎ प्रकल्प अधिकारी एकात्मिक‎ आदिवासी विकास प्रकल्प‎ पांढरकवडा यांनी कापरा पारधी‎ बेड्याला भेट देवून तेथील‎ नागरिकांना आवश्यक त्या सुविधा‎ लवकरात लवकर उपलब्ध करुन‎ देण्यात येईल असे आश्वासन ‎पांढरकवडा प्रकल्प अधिकारी ‎ एकात्मिक आदिवासी विकास‎ प्रकल्प तथा सहाय्यक‎ जिल्हाधिकारी याशनी नागराजन‎ यांनी दिले आहे.

येत्या काही‎ दिवसातच या पारधी बेड्यावरील ‎ नागरिकांना जीवनावश्यक सुविधा ‎उपलब्ध होणार असल्याचे दिसून‎ येत आहे.‎ यवतमाळ तालुक्यातील कापरा ‎ ‎ पारधी बेड्यावर सातशे लोकांची‎ वस्ती असून येथील ३०० कुटुंब गेल्या ‎पन्नास वर्षापासून उघड्यावर‎ उदरनिर्वाह करीत आहे. त्यांनी‎ आजपर्यंत कोणत्याही शासकीय‎ योजनेचा लाभ घेतला नाही ही बाब‎ गुरुदेव युवा संघाच्या लक्षात येताच‎‎ त्यांनी यवतमाळ जिल्हा‎ प्रशासनाकडे वारंवार पाठपुरावा‎ केला. मात्र यवतमाळ जिल्हा‎ प्रशासनाने कुठलीही दखल घेतली‎ नाही. कापरा येथील फासे पारधी‎ वेड्यावर मूलभूत सुविधा मिळाव्यात‎ म्हणून गुरुदेव युवा संघाच्या वतीने‎ मुंबई येथील मंत्रालयात जाऊन‎ मुख्यमंत्री व राज्यपाल यांच्या दरबारी‎ येथील फासे पारधी समाजातील‎ बांधवांच्या व्यथा मांडल्या मुख्यमंत्री‎ राज्यपाल यांनी निवेदनाची दखल‎ घेत सहाय्यक जिल्हाधिकारी तथा‎ प्रकल्प अधिकारी एकात्मिक‎ आदिवासी विकास प्रकल्प‎ पांढरकवडा यांनी याबाबत स्वत:‎ लक्ष घालून याबाबत योग्य ती‎ कारवाई करण्यात यावी असे आदेश‎ देण्यात आल्या.

त्यामुळे गेल्या‎ पन्नास वर्षांपासून मूलभूत‎ सुविधांपासून वंचित असलेल्या‎ पारधी समाज बांधवांना मूलभूत‎ सुविधांचा लाभ मिळणार आहे.‎ त्यामुळेच स्वत: सहाय्यक‎ जिल्हाधिकारी तथा प्रकल्प‎ अधिकारी एकात्मिक आदिवासी‎ विकास प्रकल्प पांढरकवडा या‎ कापरा येथे जावून परिस्थितीची‎ पाहणी केली. ज्या लाभार्थींचे नाव‎ घरकुलच्या यादीत नाही अश्या‎ लोकांना विशेष पारधी पॅकेज अंतर्गत‎ घरकुल देण्यात येईल. तसेच जिल्हा‎ परिषदेकडे सभागृहाचा व नाल्याचा‎ प्रस्ताव पाठविण्यात आला होता तो‎ ही मंजूर झाला असून हे काम सुध्दा‎ काही दिवसात चालू होईल असे‎ सहाय्यक जिल्हाधिकारी तथा‎ प्रकल्प अधिकारी याशनी नागराजन‎ यांनी आश्वासन दिले. यावेळी‎ याशनी नागराजन यांच्या समवेत‎ मयुरेश गेडाम निरीक्षक, संग्राम पवार‎ नियोजन अधिकारी, दिपक कांबळे‎ निरिक्षक, प्रविण पवार आदि‎ उपस्थित होते.‎

बातम्या आणखी आहेत...