भाविकांनी राबवले स्वच्छता अभियान‎:चिंचवाडी येथे भागवत कथा‎ व अखंड हरिनाम सप्ताह‎

चिंचवाडी (निंगनूर) येथे सुरू‎ असलेल्या भागवत कथा व अखंड‎ हरिनाम सप्ताहादरम्यान भाविक‎ भक्तांनी निंगनूर येथे स्वच्छता‎ अभियान राबवले. भागवताचार्य‎ हभप पवन महाराज खोडे तसेच‎ ज्ञानेश्वरी पारायण हभप दिगंबर‎ महाराज खुपसे यांच्या सुश्राव्य‎ संगीतमय प्रवचनात २८ जानेवारी ते‎ ४ फेब्रुवारी अखंड हरिनाम सप्ताहा‎ दरम्यान दररोज नामवंत‎ कीर्तनकारांचे कीर्तन, भजन व‎ अखंड हरिनाम सप्ताहाचे आयोजन‎ करण्यात आले आहे.‎

हभप गजानन महाराज मस्के,‎ गजानन महाराज डोळंबा, यादव‎ महाराज टारपे हर्षीक, नम्रता काळे‎ यांच्या श्रवणीय कीर्तनाचा‎ परिसरातील भाविकांनी लाभ घेतला‎ आहे. तर १ फेब्रुवारी बाळू महाराज‎ ठाके, शिवा महाराज शिवनीकर‎ पवन महाराज डे यांचे कीर्तन होणार‎ आहे. मारोतराव पंडागळे यांच्या तर्फे‎ महाप्रसादाचे आयोजन करण्यात‎ आले आहे. या भक्तिरसाच्या‎ सोहळ्यात मृदंगाचार्य गणेश‎ महाराज भानुसे, गायनाचार्य‎ साहेबराव महाराज, गजानन मस्के,‎ भारूडाचार्य रत्नमाला डफडे‎ चिरंगवाडी यांनी सहभाग नोंदवला.‎

यादरम्यान निंगनुर येथे‎ भाविकांकडून स्वच्छता अभियान‎ राबवण्यात आले. यादरम्यान बाबर‎ मित्र व बजरंग दल मंडळाच्या वतीने‎ स्वच्छता दूतांना चहा व फराळाची‎ व्यवस्था करण्यात आली.‎ सप्ताहादरम्यान परिसरात‎ भाविकांची मांदियाळी असून, या‎ सप्ताहाचा भाविक-भक्तांनी‎ बहुसंख्येने लाभ घ्यावा, असे‎ आवाहन गावकऱ्यांच्या वतीने‎ करण्यात आले आहे.