आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

कार्यक्रम‎:मारेगाव येथे भीमा कोरेगाव‎ शौर्य दिनानिमित्त कार्यक्रम‎

मारेगाव‎ ‎एका महिन्यापूर्वी
  • कॉपी लिंक

संविधान दिनाचे औचित्य साधुन ४‎ डिसेंबर रोजी घेण्यात आलेल्या‎ संविधान गौरव दिन परीक्षेचा निकाल‎ आज जाहीर करण्यात आला. यात‎ "अ" गटातून तनुष्का वेणुशाम बाभळे‎ तर ब गटातून खुशी प्रशांत सपाट या‎ दोन्ही विद्यार्थ्यांनी तालुक्यातून प्रथम‎ येण्याचा बहुमान पटकाविला. रविवार,‎ दि. १ जानेवारी रोजी येथील धम्म‎ राजीका बुद्ध विहार मारेगाव येथे भीमा‎ कोरेगाव शौर्य दिना निमित्त विविध‎ कार्यक्रमांचे आयोजन जय भीम उत्सव‎ समिती मारेगावच्या वतीने करण्यात‎ आले होते.‎ या कार्यक्रमाचे अध्यक्ष कला‎ वाणिज्य व विज्ञान महाविद्यालयाचे‎ प्राचार्य प्रा. डॉ. अविनाश घरडे होते. तर‎ बक्षीस वितरक म्हणुन ठाणेदार राजेश‎ पुरी होते तर प्रमुख अतिथी म्हणून‎ भारतीय बौद्ध महासभा चे तालुका‎ अध्यक्ष धर्मराज सातपुते, समता सैनिक‎ दलाचे तालुका संघटक मार्शल प्रकाश‎ ताकसांडे, भालशंकर होते.

भारतरत्न‎ डॉ. बाबासाहेब आंबेडकर यांच्या‎ पुतळ्याला अभिवादन करण्यात आले.‎ त्यानंतर धम्मराजीका बुद्ध विहार येथे‎ सामूहिक बुद्धवंदना. तसेच आंबेडकर‎ मार्चचे प्रणेते तथा प्रसिद्ध आंबेडकरी‎ साहित्यिक व लेखक रमेश जीवने यांचे‎ वर्तमान, राजकीय, लोकशाही,‎ भारतीय राज्यघटना व धम्मक्रांती या‎ विषयावर जाहीर व्याख्याना चा‎ कार्यक्रम पार पडला. दुपारी कला,‎ वाणिज्य व विज्ञान महाविद्यालयात‎ घेण्यात आलेल्या //"संविधान गौरव‎ दिन//" परीक्षेचे भव्य बक्षीस वितरण‎ सोहळा पार पडला. तालुक्यातील‎ एकुण ४५१ विद्यार्थ्यांनी ही परीक्षा दिली.‎

या परीक्षेत अ गटातून जि. प. उ. प्रा.‎ शाळा कोसारा येथील विद्यार्थ्यांनी‎ तनुष्का वेणुशाम बाभळे ही प्रथम तर‎ पीयूष रुपेश्वर बाभळे हा द्वितीय तर‎ आदर्श हायस्कूल येथील सृष्टी वनकर‎ हिने तृतीय क्रमांक पटकाविला. तसेच‎ ब गटातून दर्शन भारती विद्यालय‎ गोंडबुरांडा येथील विद्यार्थीनी खुशी‎ प्रशांत सपाट ही सर्वाधिक गुण प्राप्त‎ करुन प्रथम क्रमांक पटकावला तर‎ आदर्श हायस्कूल मारेगाव येथील सृष्टी‎ सुर ही द्वितीय तर युगांतर आश्रम शाळा‎ येथील प्रथम अशोक पेंदोर हा तृतीय‎ आला.

या सर्व विद्यार्थ्यांना उपस्थित‎ मान्यवरांच्या हस्ते रोख बक्षिस,‎ भारतीय संविधान प्रत, प्रमाणपत्रसह‎ गौरव चिन्ह देवुन त्यांचा सन्मान‎ करण्यात आला. या कार्यक्रमासाठी‎ जय भीम उत्सव समितीचे गौरव‎ चिकाटे, निलेश तेलंग, नागेश रायपूरे,‎ वसुमित्र वनकर, ओमप्रकाश पाटील,‎ दिलीप शंभरकर, सुदर्शन पाटील, रेखा‎ काटकर, नूतन तेलंग आदींनी परिश्रम‎ घेतले.‎

बातम्या आणखी आहेत...