दिव्य मराठी विशेष:शकुंतला रेल्वेचा सत्याग्रहींकडून केक कापून वाढदिवस साजरा‎

१९०९ साली ब्रिटिश इंजिनिअर‎ मिस्टर एडवर्ड यांच्याद्वारे सर्व्हे‎ करून अभियंता थोरपे यांच्या‎ मार्गदर्शनात शकुंतला रेल्वे मार्गाची‎ पायाभरणी झाली होती. अवघ्या‎ चार वर्षात रेल्वे स्टेशन, पूल, पटरी,‎ विहिरी, झाडे लावून १९१३ साली‎ शकुंतला रेल्वे मार्गावर पहिली रेल्वे‎ मालगाडी धावली होती. १ जानेवारी‎ १९१४ रोजी पहिली प्रवासी गाडी‎ धावली. हे औचित्य साधून‎ दर्यापूरातील बनोसा रेल्वे‎ स्थानकासमोर, रेल्वे स्थानकांची‎ स्वच्छता करून, शकुंतला रेल्वेचा‎ केक कापून ११० वा वाढदिवस‎ साजरा करण्यात आला. शकुंतला‎ रेल्वे बचाव सत्याग्रही विजय‎ व्हिल्हेकर यांच्या मार्गदर्शनाखाली‎ हे आयोजन करण्यात आले होते.‎

‘शंकुतला गाडी सुरू झालीच‎ पाहीजे’, ‘शंकुतला गाडी है गरीबो‎ और व्यापारीओ की नाडी’च्या‎ जयघोषाने संपूर्ण परिसर दुमदुमून‎ गेला होता‎ या प्रसंगी शकुंतला रेल्वे आहे‎ त्या स्थितीत सुरू करा, असा सर्व‎ सत्याग्रहींनी निर्धार व्यक्त केला.‎ दर्यापूर येथील कार्यक्रमात आमदार‎ बच्चू कडू यांच्याप्रती मालिनी‎ पाटील यांनी अभिनंदन प्रस्ताव‎ मांडला. या वेळी मनोज रेखे,‎ नम्रता शहा, संगीता पुंडे, संघमित्रा‎ खंडारे यांनी शकुंतला रेल्वे‎ गोरगरीब, दिनदुबळ्या आदिवासी,‎‎‎‎‎‎‎‎‎‎‎‎‎‎‎ कष्टकरी, शेतकऱ्यांची‎ जीवनवाहीनी आहे हे प्रभावीपणे‎ विशद केले.

दरम्यान सत्याग्रही‎ विजय विल्हेकर यांनी शकुंतला‎‎‎‎‎‎‎‎‎‎‎‎‎‎‎ रेल्वेच्या मालकी संदर्भात‎ संविधानिक अनेक प्रश्न निर्माण‎ केले. एखादे मूलभूत‎ दळणवळणाचे साधन,‎‎‎‎‎‎‎‎‎‎‎‎‎‎‎ नागरिकांच्या अनुमतीशिवाय रेल्वे‎ विभागाला बंद करता येते का,‎ असा शकुंतला रेल्वे प्रवाशांच्या‎ मूलभूत अधिकाराचा प्रश्न‎ उपस्थित केला. या संदर्भात उच्च‎ न्यायालयात जाण्याचेही मत‎ व्यक्त करण्यात आले. या प्रसंगी‎ दीपक शर्मा, गजानन देवतळे,‎ सुनीता मंडवे, रामदास चव्हाण,‎ गजानन देवके, जनार्दन गावंडे,‎ शेखर पाटील रेखे, सुनील साबळे,‎ दिनेश मोहता, गोपाल तराळ,‎ माधव देशमुख, श्याम कावडकर,‎ प्रदीप पंपालिया, विजय कावरे,‎ संतोष गायकी, दीपक नेतकर,‎ मनोज तायडे, पंकज कदम,‎ अनिल काळे, विश्वास काळे‎ आदी सत्याग्रहींनी सहभाग घेतला.‎ शेवटी डॉ. विठ्ठल वाघ रचित‎ शकुंतला भजनांनी या शकुंतला‎ रेल्वेच्या वाढदिवसाचा समारोप‎ करण्यात आला.‎ केक कापून शकंुतला रेल्वेचा वाढदिवस साजरा करताना विजय‎ विल्हेकरांसोबत उपस्थित अन्य.‎

घोषणांनी दुमदुमला परिसर‎ या प्रसंगी शकुंतला रेल्वेला ११० वर्षे‎ पूर्ण झाल्याबद्दल शकुंतला रेल्वेचा‎ सत्याग्रहांकडून केक कापून‎ वाढदिवस साजरा करण्यात आला.‎ या प्रसंगी उपस्थितांनी शकुंतला गाडी‎ आहे त्या परिस्थितीत सुरू करण्याची‎ मागणी करीत शंकुतला गाडी सुरू‎ झालीच पाहिजे, शंकुतला गाडी है‎ गरीबो और व्यापारीओ की नाडी‎ असा जयघोष केला. या जयघोषाने‎ संपूर्ण परिसर दुमदुमून गेला होता.‎