विद्यार्थ्यांचा सहभाग:जगदंबा अभियांत्रिकीत‎ रक्तदान शिबिर यशस्वी‎

जगदंबा अभियांत्रिकी महाविद्यालयात‎ राष्ट्रीय सेवा योजना पथका अंतर्गत‎ सोमवार, दि. १० एप्रिल रोजी रक्तदान‎ शिबिराचे आयोजन करण्यात आले‎ होते. वसंतराव नाईक शासकीय‎ वैद्यकीय महाविद्यालय व जगदंबा‎ अभियांत्रिकीच्या राष्ट्रीय सेवा योजना‎ पथक यांच्या संयुक्त विद्यमाने‎ आयोजित रक्तदान शिबिराला उत्स्फुर्त‎ प्रतिसाद लाभला.‎या प्रसंगी महाविद्यालयाचे प्राचार्य डॉ.‎ हेमंत बारडकर, रक्त संकलन अधिकारी‎ डॉ. रसिका पेंदोर, समाजसेवा अधीक्षक‎ अनिल पिसे, विभाग प्रमुख डॉ. विजय‎ नेवे, डॉ विजय भांबेरे, प्रा. धनश्री पोहरे,‎ प्रा. मोहिउद्दीन खान, राष्ट्रीय सेवा‎ योजना कार्यक्रम अधिकारी प्रा. प्रवीण‎ वानखडे आदी उपस्थित होते.‎ समाजसेवा अधीक्षक अनिल पिसे यांनी‎ रक्तदानाचे महत्व या विषयावर सविस्तर‎ मार्गदर्शन करुन महाविद्यालयातील‎ विद्यार्थ्यांना रक्तदान करण्याकरता प्रेरीत‎ केले.

तसेच यवतमाळ हा अतिउष्ण‎ जिल्हा म्हणून प्रसिद्ध असल्यामुळे‎ दरवर्षी उन्हाळ्यात सरकारी रक्तपेढी‎ मध्ये रक्त पिशव्यांची कमतरता जाणवते‎ म्हणुन जास्तीत जास्त विद्यार्थ्यांनी‎ रक्तदान करावे असे आवाहन केले.‎ महाविद्यालयाचे प्राचार्य डॉ. हेमंत‎ बारडकर यांनी रक्तदान करणाऱ्या‎ विद्यार्थ्यांचे कौतुक करतांना सांगितले‎ की, आज विज्ञानाच्या मदतीने विविध‎ प्रकारच्या औषधी, वैक्सीन प्रयोगशाळेत‎ बनवल्या जातात परंतु जिवंत‎ राहण्यासाठी सर्वात जास्त आवश्यक‎ असलेल्या रक्ताची आतापर्यंत निर्मिती‎ होवु शकली नाही. रक्ताला दुसरा पर्याय‎ नाही. रक्ताच्या कमीला फक्त‎ रक्तदानाद्वारेच पुर्ण केल्या जाऊ शकते‎ म्हणुन जास्तीत जास्त विद्यार्थ्यांनी‎ रक्तदान केले पाहीजे असे प्रतिपादन‎ केले.

या रक्तदान शिबिरात सुमारे ५७‎ विद्यार्थी व प्राध्यापक वृंदांनी रक्तदान‎ करुन समाजसेवेप्रती आपली बांधिलकी‎ दाखविली. कार्यक्रमाचे सूत्रसंचालन व‎ आभार प्रदर्शन रासेयो स्वयंसेविका‎ चिन्मयी तांबुले हिने केले. कार्यक्रमाच्या‎ यशस्वितेसाठी रासेयो विद्यार्थी प्रतिनिधी‎ साहिल झाडे व राष्ट्रीय सेवा योजनेच्या‎ सर्व विद्यार्थ्यांनी परीश्रम घेतले.‎