सुवर्ण पदके‎:वार्षिक क्रीडा स्पर्धेत मध्यवर्ती कारागृह‎ कर्मचाऱ्यांनी पटकावली दहा सुवर्ण पदके‎

नागपूर येथे मध्यवर्ती कारागृह कवायत‎ मैदानावर कारागृह विभाग वार्षिक क्रीडा स्पर्धा झाल्या.‎ या स्पर्धेत यवतमाळ जिल्हा कारागृहाच्या कर्मचाऱ्यांनी‎ आपली मोहर उमटविली. एकूण क्रीडा प्रकारात दहा‎ सुवर्ण पदक, तर दोन रौप्य पदक प्राप्त केले. एकूण सहा‎ कर्मचारी या स्पर्धेत चमकले. यवतमाळ जिल्हा‎ कारागृह अधीक्षक कीर्ती चिंतामणी यांच्या मार्गदर्शनात‎ येथील कर्मचाऱ्यांची चमू स्पर्धेत सहभागी झाले,‎ बॅडमिंटन एकेरी-दुहेरी, भाला फेक यामध्ये दीपा‎ मधुकर कांबळे हिने तीन सुवर्ण पदक मिळविले, तर‎ मंगेश पन्नालाल प्रजापती यांनी दोन सुवर्ण पदक‎ मिळविले.

श्रीनिवास शिवाजी शिंदे यांनी कुस्ती, भाला‎ फेक यामध्ये सुवर्ण, तर कराटेमध्ये रौप्य पदक‎ पटकावले. महेश वाकोडे यांनी कुस्ती, कराटे यात‎ सुवर्ण पदक मिळविले. संजय मधुकर ठोकळ यांनी‎ कुस्तीमध्ये रौप्य पदक घेतले. राहुल लक्ष्मणसिंग बर्वे‎ यांनी बॅडमिंटनमध्ये सुवर्ण पदक प्राप्त केले. एकंदरच‎ या खेळाडूंनी दमदार कामगिरी करीत पदकांची लयलूट‎ केली. सततचा सराव व वेळोवेळी मिळालेले‎ मार्गदर्शन यामुळे कारागृह कर्मचाऱ्यांनी सुवर्ण पदक‎ पटकाविले. त्यांच्या यशाचे कौतुक करण्यात येत आहे.‎