चटोपाध्याय लागू:चटोपाध्यायमध्ये तुटपुंजी वेतन वाढ,‎ न्यायालयात रिट पीटिशन दाखल‎

चटोपाध्याय लागू झाल्यानंतर‎ शिक्षकांच्या वेतनात तुटपुंजी वाढ होत‎ आहे. हा प्रकार अन्यायकारक असून,‎ यासंदर्भात औरंगाबाद खंडपीठात‎ रिटपिटीशन याचिका दाखल करण्यात‎ आली आहे.‎डिएड् ही शैक्षणिक अर्हता धारण‎ करणाऱ्या प्राथमिक शिक्षकांनी सलग‎ बारा वर्ष सेवा बजावल्यानंतर वरिष्ठ‎ वेतन श्रेणी (चटोपाध्याय) लागू‎ करण्यात येते.

वरिष्ठ वेतन श्रेणी लागू‎ झाल्यानंतर सहाव्या वेतन‎ आयोगानुसार मूळ पगारामध्ये ३ हजार‎ ४०० रूपये, तर एकूण वाढ जवळपास‎ पाच हजार रुपयापर्यंत होत होती, परंतु‎ सातव्या वेतन आयोगात ही वाढ कमी‎‎‎‎‎‎‎‎‎‎ झाली आहे. सातव्या वेतन‎ आयोगानुसार मूळ पगारात केवळ‎ सातशे रुपये आणि एकूण पगारात‎ जवळपास एक हजार रुपये एवढी वाढ‎ होते. त्यामुळे ही वेतन त्रुटी दूर करावी,‎ ह्या मागणीसाठी शिक्षक संघटनांनी‎ वेळोवेळी शासनाकडे निवेदन दिली,‎ परंतू निवेदनावर कुठल्याही प्रकारचा‎ सकारात्मक निर्णय घेण्यात आला‎‎‎‎‎‎‎‎‎‎ नव्हता. शेवटी शिक्षक संघटनेच्या‎ वतीने मुंबई उच्च न्यायालयाच्या‎ औरंगाबाद खंडपीठात धाव घेण्यात‎ आली होती. तद्नंतर औरंगाबाद‎ खंडपीठाने २२ टक्क्यापर्यंत वाढ‎ करावी, असे निर्देश दिले आहे.‎ दरम्यान, बक्षी समिती खंड दोनमध्ये‎ त्रुटी दूर करण्यासाठी आता पुन्हा‎ पीटिशन दाखल करण्यात आले आहे.‎

नव्याने बोलावले चटोपाध्यायचे प्रस्ताव‎
सलग बारा वर्ष सेवा झालेल्या ४२ प्राथमिक सहाय्यक शिक्षक, पदवीधर सहाय्यक‎ शिक्षकांसह उच्च श्रेणी मुख्याध्यापकांना वरिष्ठ श्रेणी लागू झाली आहे. या बाबत‎ आदेश नुकतेच निर्गमित करण्यात आले. आता नव्याने प्रस्ताव बोलावले असून,‎ ५० हून अधिक प्रस्ताव प्राप्त झाले आहेत. बहुतांश प्रस्तावात त्रृट्या असून, ह्या‎ त्रृट्या दुरूस्त केल्यानंतरच प्रस्तावाला हिरवी झेंडी मिळणार आहे.‎