जिल्ह्यातील सुमारे 50 लाभार्थी उपस्थित राहणार‎:मुख्यमंत्री, उपमुख्यमंत्री आज‎ साधणार रेशनधारकांशी संवाद‎

अन्न, नागरी पुरवठा व ग्राहक‎ संरक्षण विभागामार्फत राबवण्यात‎ येणाऱ्या विविध योजनांच्या‎ लाभार्थ्यांशी मुख्यमंत्री एकनाथ‎ शिंदे, उप मुख्यमंत्री देवेंद्र‎ फडणवीस, तसेच अन्न व नागरी‎ पुरवठा मंत्री रवींद्र चव्हाण गुरुवार,‎ १३ एप्रिलला सायंकाळी साडेचार‎ वाजता संवाद साधणार आहेत.‎यावेळी मुख्यमंत्री सार्वजनिक‎ वितरण व्यवस्थे अंतर्गत वितरीत‎ करण्यात येणाऱ्या शिधाजिन्नसांचे‎ वितरण पात्र लाभार्थींना होत आहे‎ किंवा कसे, याबाबत लाभार्थींच्या‎ प्रतिक्रिया जाणून घेतील.‎ त्याचबरोबर रास्त भाव‎ दुकानांमार्फत योजनेचा लाभ घेताना‎ अडचणी, समस्या येत असल्यास‎ त्या जाणून घेतील.‎

''आनंदाचा शिधा'' संचाचे वितरण,‎ राज्यातील धान उत्पादक‎ शेतकऱ्यांना प्रोत्साहनपर राशी‎ (बोनस) तसेच शिव भोजन थाळी‎ या योजनांचीही यात समावेश‎ असणार आहे. या योजनांचा लाभ‎ घेतलेल्या लाभार्थ्यांपैकी प्रत्येक‎ जिल्ह्यातील सुमारे ५० लाभार्थी‎ संबंधित एनआयसीच्या व्हिडिओ‎ कॉन्फरन्स केंद्रात संवादासाठी‎ उपस्थित राहणार आहेत, असे‎ जिल्हा पुरवठा अधिकारी एस. बी.‎ पवार यांनी कळवले आहे.‎