दिव्य मराठी विशेष:फुलसावंगी विविध कार्यकारी सोसायटीवर काँग्रेसचा झेंडा‎ ; काँग्रेस प्रणित पॅनलचा दणदणीत विजय

येथील विविध कार्यकारी सहकारी‎ संस्थेवर २०२३ ते २०२८ या‎ कालावधीसाठी व्यवस्थापन‎ संचालक मंडळाची निवड‎ प्रक्रियेसाठी दि. २ एप्रिलला मतदान व‎ मत मोजणी एकाच दिवशी पार‎ पडली. ज्यात काँग्रेस प्रणित शेतकरी‎ विकास आघाडी पॅनलचे सर्व १३‎ उमेदवार निवडून आले.‎ ग्रामीण भागामध्ये विविध‎ कार्यकारी सहकारी सोसायट्यांमार्फत‎ शेतकऱ्यांना कर्जपुरवठा केला जात‎ असल्याने या सोसायट्या‎ शेतकऱ्यांचा मुख्य आधार असतो. या‎ सोसायट्यांच्या माध्यमातून‎ शेतकऱ्यांना पीक कर्ज देण्यात येते.‎ पीक अर्जाबरोबरच खते, बियाणे,‎ शेतीची अवजारे यासाठीही‎ सोसायट्या कर्जपुरवठा करतात.‎

शेतकऱ्यांना सावकारी पाशातून मुक्त‎ करण्यात विविध कार्यकारी‎ सोसायटीचे मोलाचे योगदान राहिला‎ आहे.‎ फुलसावंगी येथील विविध‎ कार्यकारी सहकारी संस्था र.न.९०९‎ च्या निवडणुकांची सन २०२३ ते २०२८‎ या कालावधीसाठी व्यवस्थापक‎ समिती निवडणुका नुकत्याच पार‎ पडल्या. ज्यामध्ये स्वप्नील नाईक‎ यांच्या नेतृत्वाखाली काँग्रेस प्रणित‎ शेतकरी विकास आघाडी पॅनल व‎ विजय महाजन यांच्या नेतृत्वाखाली‎ शेतकरी विकास पॅनलने सर्व म्हणजे‎ १३ जागांवर उमेदवार निवडणूक‎‎‎‎‎‎‎‎‎‎‎‎‎‎‎‎ रिंगणात उतरवले होते. दि. २ एप्रिलला‎ या निवडणुकीसाठी मतदान प्रक्रिया व‎ मत मोजणी असे एकाच दिवशी पार‎‎‎‎‎‎‎‎‎‎‎‎‎‎‎‎ पडली. ज्यामध्ये स्वप्नील नाईक‎ यांच्या नेतृत्वाखालील काँग्रेस प्रणित‎ शेतकरी विकास आघाडी पॅनलचे सर्व‎‎‎‎‎‎‎‎‎‎‎‎‎‎‎‎ उमेदवार निवडून आले. फुलसावंगी‎ विविध कार्यकारी सहकारी संस्थेवर‎ काँग्रेसचा झेंडा रोवला गेला आहे.‎

२८ वर्षीय तरुण‎ संचालक‎ जगाचा पोशिंद्या जगला पाहिजे‎ त्याचा विकास झाला पाहिजे हे‎ विचार करून तरुण वर्ग सुद्धा आता‎ शेतकरी हितासाठी सरसावत आहे.‎ येथील फारुख खान शफी खान उर्फ‎ बंटी पठाण वय २८ वर्ष यांनी ही‎ सोसायटीची निवडणूक केवळ‎ लडलीच नाही तर सर्वाधिक मतांनी‎ ते विजयी पण झाले. एवढ्या कमी‎ वयात संचालक निवडण्याची बहुधा‎ फुलसावगीमधील ही पहिलीच वेळ‎ असावी. तरुण मंडळींनी शेतकरी‎ विकासाकडे वळणे हे उज्वल‎ भविष्याची नांदीच आहे.‎