आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

धक्कादायक:शहरात जागेच्या वादातून चुलत‎ भावाची हत्या, काका गंभीर जखमी‎

यवतमाळ‎एका महिन्यापूर्वी
  • कॉपी लिंक

शहरातील पांढरकवडा मार्गावरील ‎स्मशानभुमीसमोरील जागेच्या‎ वादातून पुतण्याने काकासह चुलत ‎भावावर प्राणघातक हल्ला केला. या ‎हल्ल्यात चुलत भावाचा मृत्यू झाला.‎ तर काका गंभीर जखमी आहे. ही ‎धक्कादायक घटना मंगळवार, दि. ३ ‎जानेवारीला सायंकाळच्या सुमारास ‎ ‎ घडली. राहुल पाली वय २७ वर्ष,‎ असे मृताचे नाव असून, नरेंद्र पाली‎ वय ५० वर्ष, असे गंभीर जखमीचे‎ नाव आहे. तर सूरज पाली, असे ‎ संशयित मारेकऱ्याचे नाव आहे.‎

नविन वर्षांच्या पहिल्याच‎ आठवड्यात तिसऱ्या खुनाच्या‎ घटनेची नोंद झाली.‎ या प्रकरणी पोलिस सूत्रांकडून ‎ मिळालेल्या माहितीनूसार, शहरातील ‎ पांढरकवडा मार्गावर असलेल्या ‎ ‎ स्मशानभुमीसमोर पाली कुटुंबीय ‎ ‎वास्तव्यास आहे. मंगळवार, दि. ३ ‎जानेवारी रोजी दुपारी त्या ठिकाणी ‎ बोअरवेलचे काम सुरू होते. अश्यात ‎ संशयित सूरज पाली याचा काका‎ नरेंद्र, चुलत भाऊ राहुल याच्यासोबत‎ चांगलाच वाद झाला.

वादाचे रूपांतर‎ हाणामारीत झाले. रागाच्या भरात‎ सूरज याने चक्क लोखंडी रॉडने‎ काका नरेंद्र आणि चुलत भाऊ राहुल‎ याच्यावर प्राणघातक हल्ला‎ चढविल्याची प्राथमिक माहिती‎ मिळाली आहे. रक्ताच्या थारोळ्यात‎दोघेही खाली पडले होते. या घटनेची‎ माहिती मिळताच शहर पोलिसांनी‎ घटनास्थळी धाव घेतली. दोन्ही‎ जखमींना तातडीने जिल्हा शासकीय‎ रुग्णालयात दाखल केले.‎ उपचारादरम्यान राहुल पाली याचा‎ मृत्यू झाल्याचे माहिती डॉक्टरांनी‎ दिली. तर गंभीर जखमी असलेल्या‎ नरेंद्र पाली यांच्यावर उपचार सुरू‎ आहे. वृत्तलिहीपर्यंत या प्रकरणी शहर‎ पोलिस ठाण्यात गुन्हा नोंद होण्याची‎ प्रक्रिया सुरू होती. या खून प्रकरणात‎ संशयित सूरज पाली याच्यासह दोन‎ ते तीन जणांचा सहभाग असल्याची‎ माहिती पोलिस सूत्रांकडून मिळाली‎ आहे.

या प्रकरणाचा पुढील तपास‎ शहर पोलिस ठाण्याचे ठाणेदार‎ नंदकुमार पंत यांच्या मार्गदर्शनात‎ शहर पोलिस करीत आहे. संशयित‎ मारेकऱ्यांची नावे आली आहे.‎ त्यावरून शहर पोलिस आणि‎ स्थानिक गुन्हे शाखेतील अधिकारी,‎ कर्मचाऱ्यांची टीम मारेकऱ्यांच्या‎ शोधात रवाना करण्यात आली आहे.‎

एसपी, अॅडिशनल एसपींची घटनास्थळी भेट‎
शहरातील पांढरकवडा मार्गावरील स्मशानभुमीसमोर‎ खुनाची घटना घडली. त्यानंतर घटनेचे गांभीर्य लक्षात‎ घेता जिल्हा पोलिस अधीक्षक डॉ. पवन बन्सोड, अप्पर‎ पोलिस अधीक्षक पीयूष जगताप यांनी घटनास्थळी धाव‎ घेवून पाहणी केली. दरम्यान, घटनेची संपूर्ण माहिती‎ जाणून घेतली. यावेळी स्थानिक गुन्हे शाखेचे पोलिस‎ निरीक्षक प्रदीप परदेशी, शहर ठाणेदार नंदकुमार पंत,‎ अवधुतवाडी ठाणेदार मनोज केदारे यांच्यासह अधिकारी,‎ कर्मचाऱ्यांचा फौजफाटा उपस्थित होता.‎

जिल्ह्यात तीन दिवसांत तिसरी हत्या‎
नववर्षाच्या पहिल्याच दिवशी यवतमाळ शहरातील‎ वाघापूर परिसरात चारित्र्याच्या संशयावरून पतीने‎ पत्नीची हत्या केली. तर दुसऱ्या घटनेत बाभुळगाव‎ तालुक्यातील दाभा येथे सावत्र बापाने मुलाची हत्या‎ केली. या घटनेची शाई वाळत नाही, तर यवतमाळ‎ शहरातील पांढरकवडा मार्गावर असलेल्या‎ स्मशानभुमीसमोर खुनाची तिसरी घटना घडली. तीन‎ दिवसात तीन खुनाच्या घटना घडल्याने शहरात एकच‎ खळबळ उडाली आहे.‎

बातम्या आणखी आहेत...