व्यापक जनजागृती:3 हजार हेक्टरवर तृण धान्य लागवड‎

वर्ष २०२३ हे आंतरराष्ट्रीय पौष्टिक ‎तृणधान्य वर्ष घोषित केले असून‎ पोषक धान्यांच्या निर्यातीला‎ प्रोत्साहन देण्यासाठी केंद्रीय‎ वाणिज्य व उद्योग मंत्रालयाने अपेडा‎ या कृषी निर्यात प्रोत्साहन संस्थेच्या ‎माध्यमातून भारतीय भरड धान्यांच्या‎ निर्यातीला जगभर आणखी‎ प्रोत्साहन देण्यासाठी उपयुक्त धोरण‎ तयार केले आहे. यात प्रामुख्याने‎ नाचणी, ज्वारी व बाजरी पिकांचा‎ समावेश असून या पिकांच्या‎ लागवडीसाठी शेतकऱ्यांमध्ये कृषी‎ विभागाकडून व्यापक जनजागृती‎ केली जात आहे. तसेच‎ भरडधान्यातील पोषणमूल्ये व‎ आहारातील महत्त्व पटवून देत‎ देश-परदेशात बाजारपेठ उपलब्ध‎ व्हावी यासाठीही प्रयत्न केले जात‎ आहेत.‎

दरम्यान, जिल्ह्यात तिन हजार‎ हेक्टरवर तृण धान्याची लागवड‎ असून यात वाढ होण्यासाठी कृषी‎ विभागाची यंत्रणा शेतकऱ्यांना‎ प्रोत्साहन देत आहे.‎ नूडल्स, बिस्किटे, तयार पदार्थ,‎ मिठाई यासारख्या रेडी टू ईट आणि‎ रेडी टू सर्व्ह श्रेणीतील‎ पोषण-मूल्यवर्धित उत्पादनांच्या‎ निर्यातीला प्रोत्साहन देण्यासाठी‎ सरकार स्टार्ट-अप्सनादेखील‎ एकत्रित करत आहेत.

यवतमाळ‎ तसेच विविध जिल्ह्यांत यातील‎ ज्वारी, बाजरी, राजगिरा आदी पिके‎ घेतली जातात. यातील ज्वारी,‎ बाजरी ही पिके खरीप व रब्बी दोन्ही‎ हंगामात येतात. यातही विदर्भ हा‎ दुष्काळी पट्टा असल्यामुळे व पुरेशा‎ सिंचन सुविधा नसल्याने हंगामी‎ पिकांवर शेतकऱ्यांचा अधिक भर‎ असतो. यामुळे फळ बागायतदारच‎ नव्हे तर हंगामी पिके घेणारे‎ शेतकरीसुद्धा आपला शेतमाल‎ देश-परदेशात नेऊन विक्री करू‎ शकतात.‎

गुणवत्तापूर्ण उत्पादन घेतल्यास भावही चांगला‎
जिल्ह्यातील तृण धान्याची सरासरी लागवड ३ हजार हेक्टरवर असून २०२२‎ तृण धान्याची लागवड झालेली आहे. यात प्रामुख्याने ज्वारी, बाजरी, मका‎ आदी पिकांचा समावेश असून शेतकऱ्यांनी गुणवत्तापूर्ण उत्पादन घेतल्यास‎ त्यास बाजारात भावही चांगला मिळतो.‎ - नवनाथ कोळपकर, जिल्हा अधीक्षक कृषी अधिकारी, यवतमाळ‎