प्रशासनाची शहर पोलिसांत तक्रार‎:तोतयाने थाटले जिल्हा कचेरीत‎ थेट सुप्रीम कोर्टाचे कार्यालय ; नागपूर पोलिसांनी फोडले बिंग

सर्वोच्च न्यायालयाचा सर्वेक्षण अधिकारी‎ असल्याची बतावणी करीत एका तोतयाने चक्क‎ जिल्हाधिकारी कार्यालयात सर्वोच्च न्यायालय‎ समितीचा डेस्क तथा सर्वेक्षण अधिकारी‎ कार्यालय थाटले. मात्र नागपुर पोलिसांनी‎ केलेल्या कारवाईमुळे सुमारे २ महिन्यांपासून सुरू‎ असलेल्या या कार्यालयाचे आणि तोतया‎ अधिकाऱ्याचे अखेर बिंग फुटले. या प्रकरणात‎ जिल्हा प्रशासनाकडूनही आता शहर पोलिस‎ ठाण्यात तक्रार दाखल करण्यात आली आहे.‎ विजय रा. पटवर्धन या नावाने तो तोतया‎ सर्वोच्च न्यायालय समितीचा डेस्क तथा सर्वेक्षण‎ अधिकारी म्हणुन वावरत होता. त्याने ५ जानेवारी‎ पासुन जिल्हाधिकारी कार्यालयात हे कार्यालय‎ सुरू केले होते. विशेष म्हणजे त्याने‎ कार्यालयासाठी जिल्हाधिकारी कार्यालयात जागा‎ उपलब्ध करुन देण्यासाठी अर्ज करुन‎ जिल्हाधिकारी यांच्याकडे मागणी केली होती.‎ त्याला प्रतिसाद मिळत नसल्याचे पाहुन त्याने‎ चक्क लॅन्डलाइनवर फोन करुन सर्वोच्च‎ ‎न्यायालयातून बोलत असल्याचे सांगत‎ प्रशासनावर दबाव आणला होता.

८१ प्रकारचे शिक्के जप्त‎ आरोपीने नागपुर येथे ५ मार्च रोजी आदर्श‎ विद्यामंदिरात २० जागांसाठी परिक्षा आयोजित‎ केली होती. यासाठी कोतवाली पोलिसांकडे‎ सुरक्षेची मागणी केली होती. त्यासाठी त्याने‎ दिलेल्या अर्जावरुन कोतवाली पोलिसांना संशय‎ आल्याने त्यांनी चौकशी सुरू केली. त्यात या‎ तोतयाचे बिंग फुटले. त्यावरुन कोतवाली पोलिस‎ पथकाने प्रथम माहुर गाठून आरोपी किरायाने‎ राहत असलेल्या घराची झाडाझडती घेतली.‎ त्यानंतर यवतमाळ जिल्हाधिकारी कार्यालय‎ गाठून प्रशासकीय इमारतीमध्ये त्या तोतयाने‎ थाटलेल्या कार्यालयात धडक दिली. या‎ ठिकाणावरुन पोलिसांनी तब्बल ८१ प्रकारचे‎ शिक्के, काही लेटरपॅड आणि बरेच कागदपत्र‎ जप्त केले आहेत.‎