आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

निवेदनातून साकडे‎:सार्वजनिक नळ‎ कनेक्शन बंद करु नये‎

पुसद‎एका महिन्यापूर्वी
  • कॉपी लिंक

नगरपरिषद अंतर्गत असणारे‎ सार्वजनिक नळ कनेक्शन तूर्त बंद न‎ करण्यासाठी निवेदनातून प्रशासक‎ तथा उपविभागीय अधिकारी तथा‎ सहाय्यक जिल्हाधिकारी यांना‎ साकडे घातले आहे.‎ नगरपरिषदेद्वारे शहरातील गोरगरीब‎ जनतेच्या पिण्याच्या पाण्याचा प्रश्न‎ सुटावा व त्यांना शुद्ध पिण्याचे पाणी‎ उपलब्ध व्हावे म्हणून शासनाने‎ ३०-४० वर्षांपूर्वी शहरातील गरीब‎ वस्तीत सार्वजनिक नळ योजना‎ राबवली होती. ती आजपर्यंत चालू‎ आहे. परंतु मुख्याधिकाऱ्यांनी नोटीस‎ बजावून सार्वजनिक नळ योजना बंद‎ करण्याचे फर्मान काढले. त्या‎ आदेशामुळे गोर गरिबांच्या तोंडचे‎ पाणी पळवले आहे.

नगरपरिषद‎ कर्मचारी अधिकारी हे सार्वजनिक‎ नळ कनेक्शन बंद करीत आहेत.‎ त्यामुळे जनतेत रोष निर्माण झाला‎ आहे. गोरगरीब वस्तीतील असलेले‎ हे सार्वजनिक नळ कनेक्शन बंद‎ करण्यात येऊ नये अशी विनंती‎ केली आहे.

नळ कनेक्शन बंद‎ झाल्यास आंदोलन करावे लागेल‎ असा इशारा निवेदनातून दिला आहे.‎ प्रशासक तथा सहाय्यक‎ जिल्हाधिकारी यांना बाळासाहेबांची‎ शिवसेना जिल्हाप्रमुख उमाकांत‎ पापीनवार यांच्या नेतृत्वात‎ उपजिल्हाप्रमुख दीपक काळे,‎ तालुकाप्रमुख संजय बयास, शहर‎ प्रमुख दीपक उखळकर, तालुका‎ संघटक सोपीनाथ माने, उप‎ तालुकाप्रमुख संतोष राठोड,‎ बाळासाहेब वाळले, लखन राठोड,‎ गोपाल राठोड, अनिल तोंडारे, शोभा‎ कुलकर्णी, वंदना गिरे,‎ तगलपल्लेवार, गजानन मडके,‎ मिलिंद बांडे, ज्योती नेमाडे, माधव‎ नेमाडे, अनिल भेले, संदीप‎ लाभशेठवार, अशोक पवार, विनोद‎ राठोड, शालिक पवार, अशोक‎ नेमाडे आदी शिवसैनिकांनी निवेदन‎ सादर केले.‎

बातम्या आणखी आहेत...