जनजागृती‎:डोंगरखर्डा : तृणधान्य वर्षानिमित्त‎ प्रभातफेरीतून केली जनजागृती‎

डोंगराखर्डा येथे प्रजासत्ताक दिनानिमित्त‎ शाळकरी विद्यार्थ्यांनी प्रभातफेरी काढली.‎ या प्रभातफेरीत सहभागी झालेल्या‎ विद्यार्थ्यांनी तृणधान्यांचे आहारातील‎ महत्त्व पटवून देणारी फलके हातात घेतली‎ होती. तर मार्गक्रमण करत असताना‎ घोषवाक्यांच्या माध्यमातून विद्यार्थ्यांनी‎ नागरिकांचे लक्ष्य वेधून घेतले. कृषी‎ विभागाच्या वतीने आंतरराष्ट्रीय तृणधान्य‎ वर्षानिमित्त नागरिकांना तथा शेतकरी‎ बांधवांना तृणधान्यांचे आहारातील महत्त्व,‎ पौष्टीक घटकांचा आहारात समावेश‎ करणे हे किती आरोग्यदायी आहे याबाबत‎ जनजागृती करण्यात आली.‎

संयुक्त राष्ट्रसंघाने २०२३ हे वर्ष‎ आंतरराष्ट्रीय तृणधान्य वर्ष म्हणून घोषित‎ केले आहे. या अनुषंगाने तृणधान्यांचे‎ महत्त्व जनसामान्यांमध्ये वाढून‎ तृणधान्याच्या उपयुक्त पोषण मूल्यांमुळे‎ आहारामध्ये याचे प्रमाण वाढवण्यावर‎ प्रयत्न केला जाणार आहे. आहारातील‎ प्रमाण वाढवल्यावर सहाजिकच शेतकरी‎ बांधव सुद्धा तृणधान्याची लागवड करून‎ याच्या क्षेत्र वाढ व उत्पादकता वाढीवर भर‎ देतील. खरीप हंगामामध्ये ज्वारी व‎ बाजरीचे क्षेत्र फारच नगण्य किंवा दिसेनासे‎ झाले आहे हे निश्चितच चिंतनीय आहे.‎ आपण सर्वांनी आपल्या रोजच्या‎ आहारात. तृणधान्याचा वापर वाढवल्यास‎ शेतकरी बांधवांना सुद्धा एक प्रेरणा, ऊर्जा‎ मिळून तृणधान्य पिकाचे क्षेत्र तर वाढेलच‎ व त्याला बाजारपेठ सुद्धा उपलब्ध होईल.‎

सध्याचे परिस्थितीत बदललेली‎ आहारशैली मुळे मधुमेह, रक्तदाब,‎ रक्तक्षय, हार्टअटॅक, बद्धकोष्ठता आदी‎ आजार उद्भवतात. पोष्टीक तृणधान्य मधे‎ ज्वारी, बाजरी, नाचणी, वरई, राळा,‎ कुटकी, सावा, राजगिरा कोद्रा आदी‎ पिकाचा समावेश होत असुन पौष्टिक‎ तृणधान्या चे सेवनामुळे या आजारांना‎ प्रतिबंध करता येतो. तसेच शालेय विद्यार्थी‎ यांच्यामार्फत काढलेल्या प्रभातफेरीसाठी‎ जि. प. शाळेचे मुख्याध्यापक उघडे,‎ आदर्श शिक्षण संस्थेचे अध्यक्ष आशिष‎ भिसे, आदर्श विद्यालयाचे मुख्याध्यापक‎ कांबळे, इंगोले, उगेमुगे, वाघ,राऊत तथा‎ विद्यार्थ्यांचे अमुल्य सहकार्य लाभले.‎ बचत गटातील महिला सभेत तृणधान्य‎ वर्षानिमित्त जनजागृती व प्रचार प्रसिद्धी‎ करण्याकरिता कृषि विभागातर्फे कृषि‎ सहाय्यक डोंगरखर्डा महेंद्र ओंकार परिश्रम‎ घेत आहे.‎