त्रिसदस्यीय समिती यवतमाळ जिल्हा परिषदेत दाखल:यशवंत पंचायत राज अभियानांतर्गत‎ राज्यस्तरीय समितीची तपासणी‎

यशवंत पंचायत राज अभियानांतर्गत‎ यवतमाळ जिल्हा परिषदेच्या‎ अभिलेखांची फेब्रुवारी महिन्यात‎ क्षेत्रीय तपासणी पार पडली होती.‎ दरम्यान, सोमवार, दि. ३ एप्रिल रोजी‎ राज्यस्तरीय समितीच्या त्री सदस्यीय‎ समितीने जिल्हा परिषदेत तपासणी‎ केली. यात सर्वच विभागाच्या‎ माध्यमातून राबवण्यात येणाऱ्या‎ योजना आणि आस्थापना विषयक‎ बाबीची तपासणी पार पडली.‎ त्याचप्रमाणे सन २०२१-२२‎ मुल्यमापन तपासणी केली.‎ राज्यात पंचायत राज संस्थांचे‎ व्यवस्थापन आणि विकास कार्यात‎ उत्कृष्ट काम करणाऱ्या जिल्हा‎ परिषदा व पंचायत समित्यांना विभाग‎ आणि राज्यस्तरावर यशवंत पंचायत‎ राज अभियान पुरस्कार देण्यात येते.‎

दरम्यान, सन २०२२-२३ च्या यशवंत‎ पंचायत राज अभियान पुरस्कारात‎ यवतमाळ जिल्हा परिषदेला शंभर‎ पैकी ९१.४ गुण घेत विभागातून‎ अव्वल स्थानावर विराजमान आहे.‎ त्या अनुषंगाने जिल्हा परिषद आणि‎ पंचायत समितीचे अभिलेखे‎ तपासणी क्षेत्रीय समितीच्या वतीने‎ फेब्रुवारी महिन्यात पार पाडली.‎ तद्नंतर सोमवार, दि. ३ एप्रिल रोजी‎ त्री सदस्यीय समिती जिल्ह्यात‎ तपासणीकरीता दाखल झाली.

या‎ समितीत नागपूरचे उपआयुक्त‎ विवेक इलमे, पंचायत विभागाचे‎ विस्तार अधिकारी छत्रपाल एस.‎ पटले, सहाय्यक संशोधन अधिकारी‎ रमेश बागडे आदीजण उपस्थित‎ होते. तर जिल्हा परिषद मुख्य‎ कार्यकारी अधिकारी डॉ. श्रीकृष्ण‎ पांचाळ, अतिरिक्त मुख्य कार्यकारी‎ अधिकारी विनय ठमके, उपमुख्य‎ कार्यकारी अधिकारी पंकज भोयर,‎ जिल्हा आरोग्य अधिकारी डॉ.‎ प्रल्हाद चव्हाण, महिला व‎ बालकल्याण अधिकारी प्रशांत‎ थोरात यांच्यासह विविध विभागाचे‎ अधिकारी, कर्मचारी उपस्थित होते.‎