थरारक:भीषण अपघात; भरधाव टँकर‎ अन् ट्रेलरची समोरासमोर धडक‎

भरधाव येत असलेल्या टँकर व ट्रेलरची‎ समोरासमोर धडक होऊन भीषण अपघात‎ झाला. या अपघातात टँकर चालकाचा‎ जागीच मृत्यू झाला तर ट्रेलर चालक गंभीर‎ जखमी झाला. ही घटना गुरुवार, २‎ फेब्रुवारी रोजी सकाळी ७ वाजताच्या‎ सुमारास वणी वरोरा मार्गावरील नायगाव‎ जवळ घडली. मौला अली मेहमूद शेख‎ वय ४५ वर्ष रा. जळकोट ता. तुळजापूर‎ जि. उस्मानाबाद असे या अपघातात ठार‎ झालेल्या टँकर चालकाचे नाव आहे.‎ वणी वरोरा मार्गाचे चौपदरी करणाचे‎ काम जवळजवळ पूर्ण झाले असून वर्धा‎ नदी वरील पुलाचे बांधकाम सुरू‎ असल्याने मांजरी फाट्यापर्यंत एकेरी‎ वाहतूक सुरू आहे.

याच ठिकाणी सुसाट‎ वेगात असलेले हे दोन्ही ट्रक एकमेकांना‎ साइड देण्यात चुकल्याने समोरासमोर‎ धडकले. केमिकल भरलेला बारा चाकी‎ टँकर टीएस ३० टीए २२२६ वणी मार्गे‎ चंद्रपूरकडे जात होता. तर ट्रेलर एमएच‎ ४० सीडी ४९०१ हा वरोरा मार्गे वणीकडे‎ येत होता.‎ दरम्यान, वणी वरोरा मार्गावरील‎ नायगाव जवळील पेट्रोलपंप जवळ दोन्ही‎ ट्रक समोरासमोर धडकले.

यात टँकरचा‎ चालक ट्रेलरच्या चाकाखाली चिरडल्या‎ गेल्याने त्याचा घटनास्थळीच मृत्यू झाला.‎ तर ट्रेलर चालकाच्या दोन्ही पायांना गंभीर‎ दुखापत झाल्याने त्याला घटनास्थळावरून‎ तात्काळ रुग्णालयात हलवण्यात आहे.‎ अपघाताची माहिती पोलिसांना मिळताच‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ त्यांनी तात्काळ घटनास्थळ गाठले.‎ पोलिसांनी घटनास्थळाचा पंचनामा करून‎ मृतदेह उत्तरीय तपासणी करिता ग्रामीण‎ रुग्णालयात पाठवला. टँकरचा मागील‎ टायर पंक्चर झाल्याने चालक हा चालत्या‎ ट्रक मधून डोकावून पाहत असताना ट्रेलर‎ व टँकर समोरासमोर धडकले. त्यामुळे‎ टँकर चालक हा अक्षरशः चिरडला गेला.‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎ जखमीला घटनास्थळावरूनच‎ रुग्णालयात हलवण्यात आल्याने त्याचे‎ नाव कळू शकले नाही. अपघात एवढा‎ भीषण होता की, ट्रेलरची केबिन पूर्णतः‎ चकणाचुर झाली. तर टँकर रस्त्याच्या‎ कडेला जाऊन खोलगट भागात उलटला.‎ या प्रकरणाचा पुढील तपास वणी पोलिस‎ करत आहे.‎

भरधाव दुचाकीवरील चालकाचे नियंत्रण सुटल्याने दुचाकी थेट रस्त्याच्याकडेला‎ असलेल्या झाडावर जावून आदळली. या अपघातात दुचाकीस्वाराचा गंभीर जखमी‎ झाला. घटनेची माहिती मिळताच परिसरातील नागरिकांनी धाव घेवून जखमीला‎ रुग्णालयात उपचारार्थ दाखल केले. मात्र उपचारादरम्यान त्याचा मृत्यू झाला. ही घटना‎ पांढरी गावाजवळ दि. १ फेब्रुवारीला दुपारच्या सुमारास घडली. शुभम अनंता उमरे वय २५‎ वर्ष रा. कुऱ्हाड ता. घाटंजी असे मृत दुचाकीस्वाराने नाव आहे. या प्रकरणी यवतमाळ‎ ग्रामीण पोलिस ठाण्यात विविध कलमान्वये गुन्हे नोंद करण्यात आले आहे.‎