आपल्या शहरातील ताज्या बातम्या आणि ई-पेपर मिळवा मोफत

डाउनलोड करा

चर्चेनंतर रुग्णसेवा पूर्ववत:अखेर निवासी डॉक्टरांचा संप मागे‎

यवतमाळ‎25 दिवसांपूर्वी
  • कॉपी लिंक

रुग्णालयात रुग्णाकडुन डॉक्टरवर ‎करण्यात आलेल्या चाकुहल्ल्याच्या ‎ घटनेनंतर महाविद्यालयात‎ शिकणाऱ्या सर्व विद्यार्थ्यांनी संप ‎ ‎ पुकारला होता. त्याचे पडसाद‎ उमटून रुग्णसेवा कोलमडली होती.‎ मात्र यासंदर्भात झालेल्या वाटाघाटी ‎ आणि चर्चेनंतर शुक्रवार दि. ६‎ जानेवारी रोजी रात्री हा संप मागे ‎ ‎ घेण्याचा निर्णय निवासी डॉक्टरांच्या ‎मार्ड या संघटनेने घेतला. त्यामुळे‎ त्याच दिवशी रात्रीपासून रुग्णसेवा‎ पूर्ववत सुरू करण्यात आली.‎ जिल्हा रुग्णालयातील वार्ड क्रमांक‎ २५ मध्ये उपचार घेत असलेल्या‎ सूरज ठाकुर या रुग्णाने त्याची‎ तपासणी करण्यासाठी गेलेल्या दोन‎ डॉक्टरांवर चाकूने हल्ला केला. या‎ हल्ल्यात डॉ. अभिषेक झा आणि‎ जेबीस्टल पॉल हे दोघे जखमी झाले‎ होते.

या घटनेनंतर लगेच‎ महाविद्यालयातील सर्व विद्यार्थ्यांनी‎ लगेच कामबंद आंदोलन सुरू करीत‎ जिल्हा रुग्णालयाच्या प्रवेशद्वारावर‎ ठिय्या मांडला. गुरूवारी रात्री‎ घडलेल्या या घटनेचे तीव्र पडसाद‎ दुसऱ्या दिवशी दिवसभर उमटले‎ ‎ होते. आंदोलकांनी जिल्हा‎ रुग्णालयाचे प्रवेशद्वार बंद करुन‎ ठेवल्याने कुठल्याही रुग्णाला‎ रुग्णालयात येता येत नव्हते. इतकेच‎ नव्हे तर रुग्णालयातुनही कुणाला‎ बाहेर जावु देण्यात येत नव्हते. या‎ घटनेमुळे जिल्हा रुग्णालयातील‎ सुरक्षा व्यवस्थेची लक्तरे पुन्हा‎ एकदा वेशीवर टांगल्या गेली होती.‎

दरम्यान रुग्णालयातील अपुरी सुरक्षा‎ व्यवस्था, डॉक्टरांवर वारंवार होणारे‎ हल्ले आणि इतर समस्यांच्या‎ निराकरणासाठी मार्ड या संघटनेने‎ १३ मागण्या प्रशासनापुढे मांडल्या‎ होत्या. या मागण्या तातडीने मान्य‎ करण्यात येवुन त्यातील सुरक्षेच्या‎ ‎ संदर्भात स्थानिक प्रशासनाच्या‎ स्तरावर असलेल्या मागण्या लगेच‎ पुर्ण करण्याचे आश्वासन देण्यात‎ आले.

त्यात जिल्हा रुग्णालयात एक‎ पोलिस अधिकारी आणि काही‎ कर्मचारी यांची नेमणूक करुन‎ कायमस्वरुपी पोलिस चौकी तयार‎ करण्यात येणार आहे. याशीवाय‎ इतर काही मागण्या देखील लगेच‎ अंमलात आणण्यात येणार आहे. या‎ सर्व मागण्यांसंदर्भात शुक्रवारी‎ दिवसभरात झालेल्या चर्चेनंतर रात्री‎ हा संप मागे घेण्याचा निर्णय घेतला.‎ त्यामुळे शनिवार दि. ७ रोजी जिल्हा‎ रुग्णालयात रुग्णसेवा सुरळीत सुरू‎ झालेली दिसुन आली.‎

बातम्या आणखी आहेत...