आयोजन:वित्तीय साक्षरता अभियानांतर्गत‎ विद्यार्थ्यांना तज्ज्ञांकडून मार्गदर्शन‎

लोकनायक बापूजी अणे महिला ‎ ‎ महाविद्यालय येथे जागतिक‎ महिला दिनाचे औचित्य साधून ‎महाविद्यालयीन विद्यार्थिनींकरिता ‎ ‎ वित्तीय साक्षरता अभियानाचे ‎ आयोजन करण्यात आले होते.‎ वाणिज्य विभाग आक्यूएसी व‎ रिझर्व बँक ऑफ इंडिया यांच्या‎ संयुक्त विद्यमाने सदर‎ अभियानाचे आयोजन केले हाेते.‎ अध्यक्षस्थानी चंद्रकांत रानडे,‎ प्रमुख पाहुणे प्राचार्य डॉ. दुर्गेश‎ कुंटे तसेच प्रमुख मार्गदर्शक‎ म्हणून राजकुमार जयस्वाल,‎ पौर्णिमा नाबियर, सर्वेश‎ कलेजवार उपस्थित होते.‎ प्राचार्य डॉ. दुर्गेश कुंटे यांनी‎ प्रास्ताविकात वित्तीय साक्षरता ही‎ आजच्या बदलत्या युगाची गरज‎ असून, विद्यार्थी दशेमध्ये‎ विद्यार्थ्यांना पैसा व्यवस्थापनाचे‎ महत्त्व समजले पाहिजे, असे‎ सांगितले.

राजकुमार जयस्वाल‎ यांनी आरबीआयचा इतिहास व‎ भारतीय चलनाची वैशिष्ट्ये‎ यावर मार्गदर्शन केले. पौर्णिमा‎ नाबियर यांनी भारतीय रिझर्व‎ बँकेत कार्य करण्याची संधी यावर‎ मार्गदर्शन केले. सूत्रसंचालन प्रा.‎ चंद्रकांत तोलवाणी यांनी केले,‎ तर आभार प्रा. योगिता बोरा यांनी‎ मानले. कार्यशाळेला दोनशे‎ विद्यार्थिनींनी उपस्थिती दर्शवली.‎प्रत्येक सहभागी विद्यार्थ्यांसाठी‎ आरबीआय नागपूरतर्फे माहिती‎ पुस्तक, नोंदवही व‎ अल्पोपाहाराची व्यवस्था‎ करण्यात आली.‎ कार्यशाळेसाठी प्राचार्य डॉ.‎ दुर्गेश कुंटे, प्रा. डॉ. कविता तातेड‎ यांच्या मार्गदर्शनात प्रा. महेश‎ महाजन, प्रा. सतीश देशपांडे, प्रा.‎ पद्मश्री बेळगावकर, प्रा. विनोद‎ चव्हाण, प्रा. प्रतीक्षा लाहोटे, प्रा.‎ सौरभ वगारे, नितीन वालदे, गोलू‎ चौधरी, प्रीती तिवाडे यांनी प्रयत्न‎ केले.‎