संडे बिग स्टोरी:धूर ओकणाऱ्या एसटीला‎ ''पीयूसी'' मिळतेच कशी?‎

प्रदूषण पसरवणारे आणि पीयूसी पासिंग‎ नसलेले वाहन आढळले तर‎ वाहनचालकाला पाचशे रुपयांचा दंड‎ केला जातो. मात्र, एसटी महामंडळाच्या‎ धूर फेकणाऱ्या बसेसकडे पूर्णत: दुर्लक्ष‎ केले जात असल्याचे चित्र आहे. एसटी‎ बसेसकडे कागदोपत्री पीयूसी असल्याने‎ कारवाई होत नसल्याचे समोर आले‎ आहे. त्यामुळे अशा वाहनांना पीयूसी‎ मिळतेच कशी, असा प्रश्न‎ नागरिकांकडून उपस्थित केला जात‎ आहे. या बसेसची नियमित पीयूसी‎ तपासणी होतेय की नाही, त्यांचे नादुरुस्त‎ भाग वेळच्यावेळी बदलले जातात की‎ नाही याबाबत संबंधित विभागाला माहिती‎ नसल्याने दिवसेंदिवस ही समस्या वाढत‎ असल्याचे समोर आले आहे.‎ प्रदूषणाला आळा घालण्यासाठी‎ प्रादेशिक परिवहन विभागाने प्रत्येक‎ वाहनांना प्रदूषण नियंत्रण (पीयूसी)‎ प्रमाणपत्र बंधनकारक केले आहे. पीयूसी‎ घेतले नसेल तर त्यांना पोलिस कारवाईत‎ पाचशे रुपयांचा दंड केला जातो.

अधिकाऱ्यांनी गांभीर्यांने‎ लक्ष द्यावे‎
जिल्ह्यात नागरिकांच्या सार्वजनिक प्रवासाचे‎ लाल परी हीच एक प्रमुख साधन आहे. प्रवाशांच्या‎ सेवेसाठी हे ब्रीद घेत विश्वासार्ह प्रवासाची खात्री‎ देत असल्याने लांब पल्ल्याच्या प्रवासाला एसटीला‎ पसंती देतात. परंतू विभागातील बसेस खिळखिळ्या‎ झाल्याने प्रवाशांना मोठ्या प्रमाणात त्रास सहन‎ करावा लागत आहे. याकडे अधिकाऱ्यांनी गांभीर्याने‎ लक्ष द्यावे.‎-‎ नीलेश चव्हाण, प्रवाशी.‎

सर्व बसेसला पीयुसी
पहिल्यांदा नोंदणीनंतर पीयूसीची‎ वैधता सहा महिन्यासाठी असते.‎ एसटीला अधिकृतपणे पीयूसीचे‎ केंद्र देण्यात आलेले आहे. त्यामुळे‎ मुदत संपण्यापूर्वीच तेथेच पीयूसी‎ करून प्रमाणपत्र दिले जाते.‎ त्यामुळे सर्व बसेसला पीयूसी‎ उपलब्ध आहे.‎ - उल्हास वैद्य, यंत्र अभियंता,‎ एसटी महामंडळ‎

१५० नवीन बसेसची‎ मागणी
विभागातील नऊ आगारातील‎ काही बसेस नादुरूस्त आहे. नविन‎ बसेससाठी शासनस्तरावर प्रक्रिया‎ सुरू आहे. यवतमाळ विभागाकडून‎ १५० बसेसचा प्रस्ताव पाठवला. या‎ प्रस्तावाला मंजुरी मिळाली तर‎ रस्त्यांवरही महामंडळाच्या बस धावू‎ शकतील.‎-‎ अमोल गोंजारी, विभाग नियंत्रक