तीवाचक‎ शिविगाळ:विनयभंग करणाऱ्या आरोपीला कारावास‎

दुकानात साहित्य खरेदीला गेलेल्या‎ महिलेचा विनयभंग करणाऱ्या आरोपीस‎ पांढरकवडा न्यायालयाने एक वर्ष सश्रम‎ कारावासासह दंडाची शिक्षा ठोठावली.‎ वणी तालुक्यातील बेलोरा येथे घडलेल्या‎ या प्रकरणात पांढरकवडा येथील अति‎ सत्र न्यायाधीश पी. श्री. नाईकवाड यांनी‎ हा निर्णय दिला. प्रभाकर मनोहर डंभारे‎ रा. बेलोरा असे आरोपीचे नाव आहे.‎ वणी तालुक्यातील बेलोरा या‎ गावामध्ये पीडित महिला कोजागिररीचे‎ सामान खरेदी करीत असताना आरोपीने‎ तीचा विनयभंग केला. २७ ऑक्टोबर‎ २०१५ रोजी घडलेल्या या घटनेत जाब‎ विचारला असता जातीवाचक‎ शिविगाळ देखी केली होती.

या‎ प्रकरणात पीडित महिलेने २८ ऑक्टोबर‎ २०१५ रोजी शिरपूर पोलिस ठाणे गाठून‎ तक्रार दाखल केली होती. या‎ तक्रारीवरून आरोपीविरुद्ध गुन्हे दाखल‎ करुन त्याला अटक करण्यात आली‎ होती. त्यानंतर या प्रकरणातील तापस‎ अधिकारी असलेले वणीचे उपविभागीय‎ पोलिस अधिकारी माधव एन. गिरी यांनी‎ प्रकरण न्यायालय केळापूर येथे‎ न्यायप्रविष्ट केले.‎ या प्रकरणाच्या सुनावणीदरम्यान‎ एकूण १० साक्षी तपासण्यात आल्या.‎ त्यात पीडितेची साक्ष व उपलब्ध पुरावे‎ ग्राह्य मानण्यात आले. त्यावरुन‎ आरोपीवरील दोष सिद्ध झाल्याने‎ पांढरकवडा येथील अति. सत्र‎ न्यायाधीश पी. श्री. नाईकवाड यांनी‎ आरोपीस एक वर्षाचा सश्रम कारावास‎ व २ हजार रुपये दंडाची शिक्षा‎ ठोठावली. या प्रकरणात फिर्यादी पक्षाची‎ बाजु सहा. सरकारी अभियोक्ता रमेश‎ डी. मोरे यांनी मांडली. कोर्ट पैरवी म्हणून‎ जमादार शिवदास गादेकर यांनी‎ कामकाज पाहिले.‎