कारचा अपघात‎:समृद्धी वरील विझोरा शिवारातील घटना; तीन जण जखमी‎

किनगावराजा‎ येथून जवळच असलेल्या समृद्धी‎ महामार्गावरील विझोरा शिवारात‎ शिर्डी येथून अमरावतीकडे परतणाऱ्या‎ कारचा अपघात झाला. या अपघातात‎ कारमधील पती, पत्नीसह मुलगा‎ जखमी झाला.

ही घटना शुक्रवार, १५‎ डिसेंबर रोजी सायंकाळी साडे पाच‎ वाजताच्या सुमारास घडली.‎ अमरावती जिल्हयातील सुमित‎ गावंडे हे पत्नी प्रियंका व अकरा‎ महिन्यांचा मुलगा वेद यांच्या समवेत‎ शिर्डी येथून ( कार क्रमांक‎ एम.एच.२७ डी.ए. ४१०४) ने‎ अमरावतीकडे परतत असताना गावंडे‎ यांचा गाडीवरील ताबा सुटला व‎ त्यांची कार महामार्गाच्या कठड्यावर‎ जाऊन आदळली. दरम्यान, हा‎ अपघात घडताच कारमधील एअरबॅग‎ उघडल्या गेल्याने जीवित हानी झाली‎ नाही. मात्र कार मधील तिघे जखमी‎ झाले.‎ अपघातस्थळी महामार्गावरील‎ रुग्णवाहिका घटनास्थळी दाखल‎ झाल्यानंतर गावंडे कुटुंबीयांच्या‎ नातेवाईकांना बोलावून घेऊन‎ त्यांच्यासोबत मेहकरकडे पाठवण्यात‎ आले. अपघातग्रस्त कार ही‎ घटनास्थळीच असून याबाबत पुढील‎ तपास महामार्ग पोलिस उपनिरीक्षक‎ शैलेश पवार करत आहेत.‎