विद्यार्थ्यांच्या कला गुणांचा विकास:शालेय जीवनापासूनच विद्यार्थ्यांची स्पर्धा परीक्षेसाठी तयारी अत्यावश्यक

शालेय जीवन हा प्रत्येकासाठी सर्वात महत्वाचा व निर्णायक टप्पा असतो. याच काळात विद्यार्थ्यांच्या कला गुणांचा विकास होतो म्हणूनच या काळात स्पर्धा परीक्षा आवश्‍यक असतात कारण शालेय जीवनापासूनच स्पर्धा हा विद्यार्थी अविभाज्य घटक आहे हे सत्य नाकारून चालणार नाही. अश्या स्पर्धा परीक्षांच्या अभ्यासासाठी विद्यार्थी मानसिकरीत्या तयार असणे आवश्‍यक असते. परीक्षांच्या माध्यमातून वेळेचे नियोजन,उत्तर देण्याची पद्धत व विचारांची अचूकता, स्मरणशक्ती वाढते,विचारांची क्षमता वाढते, परीक्षेला सामोरे जाण्याचा आत्मविश्वास वाढतो, चाकोरी बाहेरचा विचार करणे, यश-अपयश पचवण्याची ताकत निर्माण होते.

विविध विषयांचे वाचन वाढते,विद्यार्थ्याचा कल लक्षात येतो,परीक्षेबद्दलची भीती कमी होते म्हणूनच विद्यार्थ्यांना शालेय जीवनापासूनच स्पर्धा परीक्षेसाठी तयार करणे काळाची गरज आहे असे मत विद्यानिकेतन इंग्लिश स्कूलचे अध्यक्ष डॉ. संजय बंग यांनी शालेय स्तरीय प्रश्नमंजूषेत व्यक्त केले.या प्रश्नमंजुषा स्पर्धेत इयत्ता पाचवी ते आठवी मधील जवळपास ३०० विद्यार्थ्यांनी सहभाग नोंदवला होता. तसेच वर्ग स्तरावरील बाद फेरीमध्ये विषय शिक्षकांनी आपापल्या विषयाची वस्तुनिष्ठ चाचणी घेतली, इयत्ता ५ वी ते ८ वी पर्यंतच्या विद्यार्थ्यांसाठी प्रश्नमंजुषा स्पर्धेच्या या फेरीत भाग घेण्यात आला आणि केवळ १६ स्पर्धकच प्रश्नमंजुषा स्पर्धेच्या अंतिम फेरीसाठी पात्र ठरले. या १६ विद्यार्थ्यांना स्पर्धेच्या अंतिम फेरीसाठी रमन, चाणक्य, टागोर आणि आर्यभट्ट या चार संघांमध्ये वर्गीकृत करण्यात आले होते.

या आंतरगृह प्रश्नमंजुषा स्पर्धेचा अंतिम फेरी २१ जुलै रोजी शाळेच्या प्रांगणात आयोजित करण्यात आली होती. पहिल्या फेरीत विद्यार्थ्यांचे विषयाशी संबंधित ज्ञान तपासण्यासाठी विषयाशी संबंधित वस्तुनिष्ठ प्रश्न विचारण्यात आले होते. दुसरी फेरी ही ऑडिओ फेरी होती ज्यामध्ये प्रसिद्ध व्यक्तींचे ऑडिओ ट्रॅक प्ले केले गेले. यामध्ये संघांना आवाज ओळखून व्यक्तिमत्त्वाचे नाव द्यायचे होते. यानंतर एक व्हिज्युअल फेरी, ज्यामध्ये प्रत्येक संघातील सहभागींनी प्रसिद्ध ठिकाणाची चित्रे, लोगो, बँक आणि वित्तीय संस्थांचे चिन्ह, वैज्ञानिक, गणितज्ञ, क्रीडापटू आणि विविध क्षेत्रातील व्यक्तिमत्व दाखवले जे त्यांना ओळखायचे होते. अश्या विविध प्रकारच्या प्रश्नांमुळे विद्यार्थ्यांच्या ज्ञानाचा कस लागला. या स्पर्धेमध्ये प्रथम क्रमांक टागोर गृहातील श्रेया राठोड, वैदेही देशमुख, तन्मय उडाके, ख़ुशी खोडके तर द्वितीय क्रमांक रमन गृहातील आर्या राठोड, समृद्धी कपिले, स्वरा उलेमाले, कृष्णांगी ढोले तर तृतीय क्रमांक आर्यभट्ट गृहातील सेजल देवस्थळे, सौम्या साबळे, मोईन धारीवाला, दीक्षांत सोनवणे यांनी पटकाविला. शिवाय यशस्वी विद्यार्थ्यांना मेडल व प्रशस्तिपत्र देण्यात आले. या स्पर्धेच्या यशस्वीतेसाठी शाळेचे मुख्याध्यापक निवृत्ती ढोडरे, विलास राऊत, नितीन राऊत तर कार्यक्रम प्रमुख युवराज मोहेकर, प्रीती बाखडे व इतर शिक्षक हेमंत दुबे, नावेद खान, अमोल भंडारकर, अमित वानखडे, अमोल वानखडे, राजेश तळोळकर, अमोल भंडारकर, श्रीनिवास देशपांडे, अभय तोटे, आरती राठोड, काजल निमकर, पुनम धनुका, सारिका मादेशवार, रिता गणथडे, कल्याणी दहिफळे, धनश्री गावंडे, आफरीन पटेल, सरोजा डुबेवार, स्वाती इंगोले यांनी परिश्रम घेतले.प्रश्नमंजुषा परीक्षेत मेडल व प्रशस्तिपत्र मिळवणारे विद्यार्थी.