मागणीन‎:अपहरण करू जीवे मारण्याची‎ धमकी ‎, कार्यवाहीची मागणीन‎

खंडाळा पोलिस ठाण्यांतर्गत येत असलेल्या‎ नानंद (ई) येथील रहिवासी पद्माकर मेटकर यांना‎ जीवे मारण्याची धमकी दिली आहे. त्या व्यक्ती‎ विरुद्ध त्यांनी पुसदचे उपविभागीय अधिकारी व‎ उपविभागीय पोलिस अधिकारी यांच्याकडे‎ नुकतीच न्यायासाठी तक्रार दाखल केली आहे.‎ तक्रारकर्ता मेटकर हे ऊसतोड कामगारांचे‎ मुकादम असून ते १७ वर्षांपासून मुकादमाचे काम‎ करीत आहे. त्यांनी महागाव तालुक्यातील काळी‎ दौ. येथील आकाश ढगे यांना ऊस तोडणीच्या‎ कामासाठी ९ लाख १० हजार रुपयांची रक्कम‎ इसार म्हणून दिली होती. परंतु आकाश ढगे हे‎ कामावर न जाता ती इसार रक्कम घेऊन पसार‎ झाले. त्यामुळे पद्माकर मेटकर यांनी आकाश ढगे‎ यांना भ्रमणध्वनीद्वारे संपर्क साधण्याचा प्रयत्न‎ केला.

परंतू संबंधित व्यक्तीने फोन बंद करून‎ ठेवला. त्यामुळे तक्रारदार मेटकर यांनी आकाश‎ ढगे यांच्या साथीदार, दशरथ महादेव पाटील व‎ नामदेव गंगाराम गोरल, रा. हल्लारवाडी जि.‎ कोल्हापूर, यांना विचारपूस केली असता दशरथ‎ पाटील व नामदेव गोरल या दोघांनी मिळून मेटकर यांना‎ अपहरण करून जीवे मारण्याची धमकी दिली व ते‎ इथेच थांबले नाही. तर त्यांनी जातीवाचक शिवीगाळ‎ करून पद्माकर मेटकर यांचा अपमान जनक व्हिडिओ‎ क्लिप बनवून व्हायरल करून मानसिक खच्चीकरण‎ केल्याचा आरोप तक्रारदार यांनी सदर तक्रारीतून केला‎ आहे. या प्रकरणाची तक्रार देण्यासाठी मेटकर खंडाळा‎ पो.स्टे येथे गेले असता ठाणेदार बालाजी शेंगेपल्लू यांनी‎ त्यांची तक्रार घेण्यास नकार दिला. त्यामुळे न्यायासाठी‎ मेटकर यांना नाइलाजास्तव पुसदचे उपविभागीय‎ पोलिस अधिकारी आणि उपविभागीय अधिकारी‎ यांच्याकडे तक्रार करण्यास भाग पडले असल्याचे‎ तक्रारीत नमूद केले आहे