विविध कलमान्वये गुन्हा नोंदवला:सुगंधित गुटखा गोदामावर एलसीबीची धाड‎

एलसीबी पथकाने सुगंधित गुटखा गोदामावर‎ धाड टाकून एक लाख ६० हजार ६९२ रुपयांचा‎ मुद्देमाल जप्त केला. ही कारवाई शुक्रवारी‎ उमरखेड तालुक्यातील पोफाळी येथील शिक्षक‎ कॉलनीत केली. या प्रकरणी प्रभाकर लालंगकर‎ वय ६५ रा. शिक्षक कॉलनी याच्या विरोधात‎ विविध कलमान्वये गुन्हा नोंदवला आहे.‎ या प्रकरणी पोलिस सूत्रांकडून प्राप्त‎ माहितीनुसार, उमरखेड तालुक्यातील पोफाळी‎ येथील शिक्षक कॉलनीतील प्रभाकर तालंगकर‎ हा त्याच्या घरातील टीन शेडमध्ये प्रतिबंधित‎ तंबाखूजन्य पदार्थ विक्रीकरिता बाळगून होता.‎ याबाबतची माहिती एलसीबी पथकाला मिळाली.‎

त्यावरून शुक्रवारी पथकातील अधिकारी,‎ कर्मचाऱ्यांनी पोफाळी गाठून त्या गोदामावर धाड‎ टाकली. यावेळी एक लाख ६० हजार ६९२‎ रुपयांचा मुद्देमाल आढळून आला. त्यावरून‎ पोफाळी पोलिस ठाण्यात गुन्हा नोंदवला. ही‎ कारवाई एलसीबीतील सपोनि अमोल सांगळे,‎ पीएसआय सागर भारस्कर, पथकातील सुभाष‎ जाधव, पंकज पातुरकर, सोहेल मिर्झा, मो. ताज,‎ सुनील पंडागळे, दिगांबर गिते यांनी पार पाडली.‎