पाऊस:पांढरकवड्यात हलक्या स्वरूपाचा मान्सूनपूर्व पाऊस

मान्सून केरळमध्ये दाखल झाल्यानंतर राज्यातही काही भागात सध्या पावसासाठी अनुकूल परिस्थिती निर्माण झाली आहे. अशातच पांढरकवडा शहरात व परिसरातही १ जुन रोजी दुपारी ४ वाजताच्या सुमारास मान्सूनपूर्व पावसाने हजेरी लावली.

मे महीन्यात उन्हाच्या उकाड्याने हैराण झालेल्या केळापूर तालुक्यातील नागरिकांना दिलासा मिळाला आहे. पांढरकवडा शहरासह ग्रामीण भागातही १ जुन रोजी हलक्या स्वरूपाचा पाऊस झाला असुन तालुक्यात ढगाळ वातावरण आहे. हलक्या सरींनी वातावरणात गारवा निर्माण झाला आहे.