प्रतीक्षा:बाराशे एसटी कर्मचाऱ्यांची वैद्यकीय‎ देयके तब्बल 4 वर्षांपासून थकीत‎

‎जिल्ह्यातील एक हजार दोनशे पेक्षा अधिक एसटी‎ महामंडळातील कर्मचाऱ्यांची ९५ लाखांपेक्षा ही अधिक‎ रुपयांची वैद्यकीय देयके गेल्या चार वर्षांपासून देण्यात आली‎ नाहीत. यामुळे त्यांना आजारांवरील खर्चासाठी कर्ज‎ फेडताना नाकीनऊ येत आहेत. दुसरीकडे कोरोना व संप‎ काळात उत्पन्न मिळाले नसल्यामुळे देयके देण्यासाठी‎ अडचणी आल्या असल्याचे सांगण्यात येत आहे. आता मात्र,‎ एसटी प्रशासनाकडून तीन महिन्यात सर्व देयके देण्यासाठी‎ तयारी करण्यात आली आहे.‎ एसटी महामंडळाच्या यवतमाळ विभागात सध्या चालक,‎ वाहक आणि यांत्रिक असे जवळपास दोन हजार नऊशे‎ कर्मचारी काम करत आहेत. या कर्मचाऱ्यांचा पगार आणि‎ भत्ते कमी असल्याने आधीच त्यांना आर्थिक चिंतेचा सामना‎ करावा लागतो. अशातच महाराष्ट्र राज्य परिवहन‎ महामंडळाच्या यवतमाळ विभागातील चालक, वाहक,‎ यांत्रिक व प्रशासकीय कर्मचाऱ्यांची यांची वैद्यकीय देयके‎ गेल्या ४ वर्षापासून प्रलंबित आहेत. यवतमाळ विभागासाठी‎ मध्यवर्ती कार्यालयाकडून निधी उपलब्ध न झाल्यामुळे देयके‎ अडकली असल्याचे सांगण्यात येत आहे.

अनेक कर्मचारी‎ आजारपणात स्वतः रोखीने खर्च करतो व त्या खर्चाची‎ परिपूर्ती एसटी कडून केली जाते. मात्र, ४ वर्षे झाले तरी देयके‎ मिळत नसल्याने कर्मचाऱ्यांमध्ये अस्वस्थता वाढली आहे.‎ अनेकांना कर्ज काढून आपल्या आजारावर उपचार‎ करण्यासाठी खर्च करावा लागला. ते कर्ज अद्यापही‎ अनेकांना फेडता आलेले नाही. अगोदरच एसटी कर्मचाऱ्यांना‎ तुटपुंजे वेतन मिळते. त्यात कर्जाचे हप्ते व उदरनिर्वाहाची‎ ताळमेळ घालणे अशक्य होत आहे. सध्या एक हजार दोनशे‎ पेक्षा अधिक कर्मचाऱ्यांनी तब्बल ९५ लाख रुपयांपेक्षा अधिक‎ देयके थकली आहेत. सातत्याने वरिष्ठांकडे पाठपुरावा‎ करूनही काहीच हाती लागलेले नाही.‎

कर्मचाऱ्यांची संख्या अधिक‎
देयके मागणाऱ्या कर्मचाऱ्यांची संख्या अधिक‎ आहे. अगदी कमी रकमेपासूनची देयके आहेत.‎ कोरोना काळातही देयके आली आहेत.‎ कर्मचाऱ्यांची अडचण लक्षात घेऊन तातडीने बिले‎ देण्याची प्रक्रिया अधिक करण्यात येत आहे.‎ अमोल गोंजारी, विभागीय नियंत्रक‎

महामंडळाकडून तयारी,‎ एप्रिलपर्यंत मिळतील
‎विभागीय नियंत्रक म्हणून अमोल‎ गोंजारी यांनी जबाबदारी‎ सांभाळल्यानंतर त्यांनी वैद्यकीय बिले‎ देण्यासाठी नियोजन केले आहे. प्रत्येक‎ वर्षांतील महिनानिहाय देयकांचे‎ वर्गीकरण सुरू केले आहे. त्यानुसार‎ कमी व अधिक रकमेची देयकाचे‎ नियोजन करून अधिक तातडीची‎ तसेच दुर्धर रोगाची देयके अगोदर‎ देण्याचेही नियोजन करण्यात येत‎ आहे. तसेच एप्रिलपर्यंत सर्व देयके‎ मिळतील, अशी अपेक्षा व्यक्त‎ करण्यात येत आहे.‎

कर्मचाऱ्यांचे वेतनही वेळेवर‎ नाही,सावकारी चक्रव्यूहात‎
परिवहन महामंडळाच्या कर्मचाऱ्यांचे‎ वेतन दिलेल्या वेळेवर होत नाही. त्यामुळे‎ कर्मचाऱ्यांना घर चालवणे अवघड होवून‎ बसले आहे. एखादा दुर्धर आजार‎ बळावल्यास कर्ज काढून बिल चुकते‎ करावे लागते. यामुळे गाव खेड्यातील‎ सावकारी चक्रव्यूहात एसटी कर्मचारी‎ अक्षरक्ष: पिळून निघतो आणि‎ कर्जबाजारी होत आहे.‎

विभागातील कर्मचाऱ्यांमध्ये‎ अस्वस्थता
‎एका वाहकाची अँजिओग्राफी व बायपास सर्जरी‎ झाली. २०१९ लगा ७० हजार रुपये रकमेची वैद्यकीय‎ बिले दिली होती. अजूनही खात्याकडून पैसे मिळत‎ नाहीत. २०१७ च्या अगोदर वैद्यकीय देयके वेळेवर‎ मिळायची. वेळेवर पैसे मिळत नसल्यामुळे ही‎ प्रक्रियेवर विश्वास राहिला नाही, अशी भावना‎ कर्मचारी व्यक्त करत आहेत. त्यामुळे वैद्यकीय खर्च‎ झाला तरी काही जण वैद्यकीय बिल सादर करत‎ नाहीत.