कर्मचाऱ्यांची नेमणूक‎:साडेपाचशेहून अधिक‎ विद्यार्थी देणार महादीप‎

ग्रामीण भागातील विद्यार्थ्यांना स्पर्धा‎ परीक्षेत आवड निर्माण व्हावी,‎ स्वयंअध्ययनातून गुणवत्ता विकास‎ व्हावा, सोबतच स्पर्धा परीक्षेची‎ माहिती व्हावी ह्या उद्दिष्टाने शालेय‎ अभ्यासक्रम तथा सामान्य ज्ञानाशी‎ सांगड घालणाऱ्या महादीप‎ परीक्षेच्या सातव्या फेरीचा पेपर‎ सोमवार, दि. ५ मार्च रोजी दुपारी १२‎ वाजता शहरातील अँग्लो हिंदी‎ हायस्कूलमध्ये होणार आहे. परीक्षेत‎ पास होणाऱ्या विद्यार्थ्यांना विमान‎ वारीची संधी मिळणार आहे.‎ जिल्हा परिषद प्राथमिक शिक्षण‎ विभाग दरवर्षी महादीप परीक्षा घेत‎ आहे. या परीक्षेत पाचवी ते‎ आठवीच्या विद्यार्थ्यांना सहभागी‎ होता येणार आहे. शाळास्तरावर‎ तीन फेऱ्या होणार होत्या. पाहिली‎ फेरी ७ डिसेंबर २०२२ ला झाली‎ असून, उर्वरीत टप्प्या-टप्प्याने‎ पारसुद्धा पडल्या आहेत.

यात‎ प्रामुख्याने महाराष्ट्र, भारत आणि‎ जग, विज्ञान व सामान्य ज्ञान, तसेच‎ मराठी, इंग्रजी भाषा, गणित,‎ बुद्धिमत्ता आदी अभ्यासक्रम होता.‎ प्रत्येकी ५० गुणांची परीक्षा घेण्यात‎‎‎‎‎‎‎‎‎‎‎‎‎‎‎‎‎‎ आली आहे. प्रत्येक फेरीत‎ टक्केवारीने गुण मिळालेल्या‎ विद्यार्थ्यांचा सातव्या फेरीसाठी पात्र‎ ठरविण्यात आले आहे. सहाव्या‎ फेरीतून ७० टक्के गुण मिळवणाऱ्या‎ विद्यार्थ्यांचा जिल्हास्तरीय अंतिम‎ फेरीत समावेश करण्यात आला‎ आहे. यात पाचवी ते दहावीचे २३६‎ आणि सातवी ते आठवीचे २२७,‎ ऊर्दू १०० असे मिळून ५६३ विद्यार्थी‎ अंतीम फेरीसाठी पात्र ठरले आहे‎

आसन क्रमांकांची‎ प्रश्न, उत्तर पत्रिका
‎महादीप परीक्षेतील पात्र विद्यार्थी‎ वेगवेगळ्या सात फेऱ्यातून आले‎ आहेत. तरीसुद्धा कुठल्याही प्रकारे‎ अनुचित प्रकार घडू नये, ह्यासाठी‎ विशेष परिश्रम प्राथमिक शिक्षण‎ विभाग घेत आहे. परीक्षा‎ पारदर्शकपणे व्हावी, ह्या दृष्टीने‎ विद्यार्थ्यांना थेट आसन क्रमांकाची‎ प्रश्नपत्रिका आणि उत्तर पत्रिका‎ उपलब्ध करून दिली जाणार आहे.‎ ह्यातील प्रश्न एकच राहणार असून,‎ केवळ क्रम वेगवेगळ्या पद्धतीचा‎ ठेवण्यात येणार आहे.‎