पाडवा पहाट:यवतमाळ अभियंता ग्रुपची संगीतमय पाडवा पहाट‎

अभियंता ग्रुपमार्फत यावर्षी अभियंते‎ व त्यांच्या कुटुंबीयांसाठी‎ दिवाळीनिमित्त पाडवा पहाटचा ‎संगीतमय कार्यक्रम आयोजित‎ करण्यात आला होता. हा कार्यक्रम ‎ ‎निवृत्त अभियंता भवन यवतमाळ‎ येथे घेण्यात आला. कार्यक्रमाची ‎सुरुवात दीप प्रज्वलन व सर‎ मोक्षगुंडम विश्वेश्वरय्या यांच्या‎ प्रतिमेस हार अर्पण करून करण्यात ‎आली.‎

यावेळी गायक अभियंता अतुल शिरे‎ व गायिका अर्चना ठाकरे यांनी‎ कार्यक्रमात भक्ती गीत, भावगीत,‎ अभंग तसेच गझल इत्यादीचे‎ सुश्राव्य गायन सादर केले.या संगीत‎ मैफलीमध्ये गायकांना विशाल‎ शेंदरकर, विशाल रामनगरिया, नरेंद्र‎ पाटणे, अजिंक्य शिंदे यांनी सुरेख‎‎ साथ संगत केली. यावर्षी‎ पहिल्यांदाच अभियंता ग्रुप मार्फत ही‎ संगीतमय मेजवानी देण्यात आली.‎ पाडवा पहाट या कार्यक्रमाच्या‎ माध्यमातून मराठी संस्कृतीचा‎ वारसा जतन करण्याचा व हा वारसा‎ पुढील पिढीपर्यंत पोहोचवण्याचा‎ प्रामाणिक प्रयत्न अभियंता ग्रुप‎ मार्फत करण्यात आला.‎

कार्यक्रमाची सुरुवात गणपती‎ स्तवनाने झाली नंतर अजित‎ कडकडे यांच्या निघालो घेऊन‎ दत्ताची पालखी हे गाणे अतुल शिरे‎ यांनी उत्कृष्टरित्या सादर करून‎ वातावरण भक्तिमय केले. सुप्रसिद्ध‎ गायक अरुण दाते व सुमन‎‎ कल्याणपुरकर यांचे शुक्रतारा मंद‎ वारा या युगलगीताच्या‎ सादरीकरणामुळे श्रोते भाव विभोर‎ झाले. त्यानंतर शंकर महादेवन यांचे‎ सूर निरागस हो हे गीत अतुल शिरे‎ यांनी सादर केले. पंडित भीमसेन‎ जोशी यांच्या बाजे मुरलिया या‎ भक्ती गीताने कार्यक्रमाची रंगत‎ वाढवली. हरिहरन यांची फुल हे‎ चांद है ही गझल भाव खाऊन गेली.‎

कार्यक्रमाच्या शेवटी अतुल शिरे‎ यांनी लागा चुनरी मे दाग//" ही भैरवी‎ प्रस्तुत करून कार्यक्रमाची सांगता‎ झाली. या कार्यक्रमाला अभियंता‎ ग्रुपचे अध्यक्ष प्रकाश कोळसे,‎ सचिव श्रीकांत खराबे, उपाध्यक्ष‎ राम घोटेकर,प्रवीण येंडे, कोषाध्यक्ष‎ प्रदीप पवार तसेच माजी अध्यक्ष‎ दिनेश गायकवाड, प्रवीण पांडे,‎ श्रीकांत मुनगिनवार, माजी उपाध्यक्ष‎ प्रसाद डूबे, नितीन अंगाईतकर, रवी‎ ढगे, सहसचिव आशिष शिरभाते,‎ पूजा खराबे तसेच निवृत्त अभियंता‎ मंडळाचे पदाधिकारी अभियंता‎ अणे, अशोक तिखे तसेच बहुसंख्य‎ अभियंते व त्यांचे कुटुंबीय आवर्जून‎ कार्यक्रमाला उपस्थित होते.‎ संचालन व आभार अभियंता‎ विलास चावरे यांनी केले.‎