अधिकाऱ्यांना निवेदन सादर:राष्ट्रवादी काँग्रेस, ऑटो चालक-मालक‎ संघटनेचा दरवाढीविरोधात वर्ध्यात मोर्चा‎

जिल्ह्यातील हिंगणघाट येथे‎ राष्ट्रवादी काँग्रेस पार्टी व ऑटो‎ चालक युनियनद्वारे सोमवारी‎ महागाई व इंधन दरवाढीविरोधात‎ राष्ट्रवादी काँग्रेस पार्टीचे प्रदेश‎ सरचिटणीस अतुल वांदिले यांच्या‎ नेतृत्वात मोर्चा काढण्यात आला.‎ सरकारविरोधात घोषणा देत‎ ऑटोसह चालक मोर्चात सहभागी‎ झाले होते. यावेळी आपल्या‎ मागण्यांचे निवेदन उपविभागीय‎ अधिकाऱ्यांना सादर करण्यात आले.‎ राज्य सरकारने एसटी बसमध्ये‎ महिलांना प्रवासात ५० टक्के सूट‎ दिल्याने ऑटोचालकांचे आर्थिक‎ नुकसान होत आहे. यामुळे ऑटो‎ चालक - मालक यांच्यावर‎ उपासमारीची वेळ आली आहे.‎ तसेच आजच्या वाढत्या महागाईच्या‎ काळात पेट्रोल, डिझेल व‎ सिलिंडरच्या वाढत्या दरामुळे ऑटो‎ चालक- मालकासह सर्वसाधारण‎ जनता त्रस्त झाली आहे.

राज्य‎ सरकारने पेट्रोल व डिझेलचे भाव‎‎‎‎‎‎‎‎‎‎‎‎ कमी न केल्यास ऑटो चालक -‎ मालक संघटना आपल्या‎ परिवारासोबत रस्त्यावर उतरणार‎ असल्याचा इशारा यावेळी‎ उपविभागीय अधिकाऱ्यांमार्फत‎ मुख्यमंत्र्यांना निवेदनाद्वारे देण्यात‎ आला.‎ यावेळी महागाई विरोधात‎ नारेबाजी करून सरकारचा जाहीर‎ निषेध करण्यात आला. आंदोलनात‎ राष्ट्रवादी काँग्रेस ओबीसी सेल‎ जिल्हाध्यक्ष प्रशांत घवघवे, जिल्हा‎ सरचिटणीस दशरथ ठाकरे, अमोल‎ बोरकर, सुनील भुते, संजय गांभुले,‎ राजू मुडे, प्रशांत एकोणकर, सुशील‎‎‎‎‎‎‎‎‎‎‎‎ घोडे,आदित्य बुटे ऑटो युनियनचे‎ सदस्य इमरान शेख , महेश ठाकूर,‎ मुक्तार शेख, नरेश भगत, अनुप‎ डाहाके, अमोल भिसेकर, अनिल‎ कांबळे, शरद दुर्गे, रामा कांबळे,‎ मतीन शेख, फिरोज शेख, विनोद‎ वाघमारे, विष्णू बावणे, गजानन‎ झाडे, सतीश जकनवार, किशोर‎ दुधळकर, बालु घोटेकार, संजय‎ हेडाऊ, प्रदीप जुमदे, जीतू हेडाऊ,‎ अस्त्याम खान, शेख इरशाद,‎ साजिद अहमद, किरण घोगसे, राजू‎ सावध, स्वप्नील दाते, अक्षय पाटील‎ आदी कार्यकर्ते मोठ्या संख्येने‎ सहभागी झाले होते.‎