सहाय्यक निबंधकाचा अंतरिम आदेश:अचलपूर तालुक्यातील 12 सेवा सहकारी‎ संस्थांना बजावल्या अवसायानाच्या नोटीस‎

अचलपूर कृषी उत्पन्न बाजार समितीची‎ निवडणूक ३० एप्रिल रोजी होऊ घातली‎ असताना तालुक्यातील १२ सेवा सहकारी‎ संस्थांना अचलपूरच्या दुय्यम निबंधकांनी ६‎ एप्रिल रोजी निवडणुकीच्या धामधुमीत‎ अंतरिम नोटीस बजावल्या. यामुळे सेवा‎ सहकारी संस्थेच्या अध्यक्षांनी सोमवारी‎ (दि. १०) सहाय्यक निबंधक सहकारी‎ संस्थेच्या कार्यालयात जाऊन नोटीस‎ बजावण्यावर आक्षेप घेत राजकीयदृष्ट्या‎ प्रेरीत कारवाई असल्याचे म्हटले आहे.‎ भुगाव, कांडली, बोरगाव पेठ,‎ सालेपूर,निजामपूर, नायगाव, वडनेर भुजंग,‎ शामपूर, खैरी, बोरगाव दोरी, कुष्ठा या १२‎ संस्थांना महाराष्ट्र सहकारी संस्था‎ अधिनियम १९६० ची कलम १०२ (१) (४)‎ अन्वये सहाय्यक निबंधक अच्युत उल्हे‎ यांनी ६ एप्रिल रोजी अवसायानाबाबत‎ अंतरिम आदेश निर्गर्मित करत त्यावर‎ अवसायाकांची नियुक्ती करत संस्था‎ पदाधिकाऱ्यांनी संस्थेच्या ताब्यातील‎ मालमत्ता अभीलेख, दस्तावेज,‎ अवसायाकास सुपूर्द करण्याचे करण्यासह‎ ४४ मेपर्यंत हरकती व आदेशाच्या‎ दिनांकापासून १ महिन्याच्या आत‎ संबंधितांनी सादर करावयाच्या आहेत.‎

ही प्रक्रिया अन्यायकारकस न्यायालयात दाद मागू‎ सेवा सहकारी संस्थांना शेतकऱ्यांना कर्ज‎ वितरीत करण्याची प्रक्रिया सुरू असताना‎ संस्था अवसायानात काढणे ही बाब योग्य‎ नाही. तालुक्यात बाजार समितीच्या‎ निवडणूका होऊ घातल्या आहेत. या‎ सोसायटीमधील मतदार यादीत आलेले‎ संचालकांची नांवे काही नेत्यांना मतदार‎ म्हणून बाधक ठरू शकतात. म्हणून‎ अवसायानाची ही प्रक्रिया अन्यायकारक‎ आहे. या संदर्भात न्यायालयात दाद मागू,‎ असे नंदकिशोर तुरखडे (अध्यक्ष, शामपूर‎ सोसायटी), नरेंद्र ठाकरे (अध्यक्ष, कुष्ठा‎ सोसायटी) व अनिल सांगोळे (अध्यक्ष,‎ शिंदी सोसायटी) यांनी सांगीतले.‎