एसडीपीओंकडून विशेष न्यायालयात दोषारोपपत्र‎:कुख्यात कवट्या गँग‎ मकोका प्रकरणाला मंजूरी‎

शहरातील छोटी गुजरी परिसरातील‎ एमपी जयस्वाल (शिवनाथ) वाईन‎ बारमधील गोळीबार प्रकरणातील‎ कुख्यात कवट्या गँगवर मकोका‎ अंतर्गत कारवाई करण्यात आली‎ होती. या प्रकरणाचा संपूर्ण तपास‎ झाल्यानंतर मुंबई अप्पर पोलिस‎ महासंचालक यांच्याकडून मंजूरी‎ मिळाली. बुधवार, दि. १ मार्चला‎ यवतमाळ उपविभागीय पोलिस‎ अधिकारी संपतराव भोसले‎ यांच्याकडून प्रकरण विशेष मकोका‎ न्यायालयात दोषारोपपत्र दाखल‎ करण्यात आले आहे.‎ शेख अलीम उर्फ कवट्या शेख‎ कलीम, शेख इमरान उर्फ कांगारू‎ शेख शरीफ, रोहीत जाधव, नईम‎ खान उर्फ नईम टमाटर गुलाब नबी‎ खान, आदेश उर्फ आद्या खैरकार,‎ साजीद उर्फ रिज्जू सलीम सयानी,‎ अस्लम खान उर्फ मारी अकबर खान‎ आणि नयन सौदागर अशी कवट्या‎ गँगमधील आठ जणांची नावे आहे.‎

कुख्यात गुंड कवट्या गँगने‎ पूर्वनियोजित कट रचून दारूच्या‎ बिलावरून छोटी गुजरीतील बार‎ मालकाशी वाद घातला होता. त्यानंतर‎ बार मालकाला मारहाण करीत शेख‎ अलीम उर्फ कवट्या याने देशी‎ कट्ट्यातून फायर करत खंडणीची‎ मागणी करीत जिवे मारण्याची धमकी‎ दिली होती. या प्रकरणी यवतमाळ‎ शहर पोलिस ठाण्यात विविध‎ कलमान्वये गुन्हे नोंद करण्यात आले‎ होते. या प्रकरणाचे गांभीर्य लक्षात घेता‎ अधीक्षक डॉ. पवन बन्सोड, अपर‎ पोलिस अधीक्षक पीयूष जगताप‎ यांच्या मार्गदर्शनात एलसीबीने‎ मकोका अंतर्गत कारवाई होण्याकरता‎ प्रस्ताव तत्कालीन अमरावती‎ परिक्षेत्राचे पोलिस उपमहानिरीक्षक‎ चंद्रकिशोर मिना यांच्याकडे सादर‎ केला.

या प्रस्तावाला मान्यता प्राप्त‎ झाली असून कुख्यात कवट्या गँगवर‎ मकोका काद्यान्वये कलम वाढ‎ करण्यात आली. तपास उपविभागीय‎ पोलिस अधिकारी संपतराव भोसले‎ यांच्याकडे देण्यात आला. संपूर्ण तपास‎ झाल्यानंतर मुंबई अप्पर पोलिस‎ महासंचालक यांच्याकडून मंजूरी‎ मिळाली. ही कारवाई अमरावती‎ परिक्षेत्राचे विशेष पोलिस महानिरीक्षक‎ जयंत नाईकनवरे, पोलिस अधीक्षक‎ डॉ. पवन बन्सोड, अपर पोलिस‎ अधीक्षक पीयूष जगताप, यवतमाळ‎ उपविभागीय पोलिस अधिकारी‎ संपतराव भोसले यांच्या‎ मार्गदर्शनाखाली स्थानिक गुन्हे‎ शाखेचे पोलिस निरीक्षक प्रदीप‎ परदेशी, सहायक पोलिस निरीक्षक‎ संजय राठोड, विवेक देशमुख,‎ अन्सार बेग, राहुल गोरे, उमेश‎ पिसाळकर, प्रशांत झोड, प्रविण उईके‎ यांनी पार पाडली.‎