दिव्य मराठी विशेष:सव्वा पाचशे विद्यार्थ्यांची स्थूलपणा तपासणी‎

शहरातील पाच शाळांमधील ५२२‎ विद्यार्थ्यांची स्थूलपणा तपासणी‎ करण्यात आली. यात २७३ मुले आणि‎ २४९ मुलींचा समावेश आहे.‎ तपासणीत चार मुले आणि चार मुली,‎ असे आठजण स्थूल आढळून आले.‎ वैद्यकीय शिक्षण व औषधी द्रव्य‎ विभागाने दिलेल्या सूचनेनुसार‎ स्थूलपणात जनजागृती व उपचार‎ अभियानाचा प्रारंभ शनिवार, ४ मार्च‎ रोजी झाला. दरम्यान, श्री वसंतराव‎ नाईक शासकीय वैद्यकीय‎ महाविद्यालय व रूग्णालय,‎ जन-औषध वैद्यकशास्त्र विभाग,‎ शल्यचिकित्सा शास्त्र विभाग, औषध‎ वैद्यकीय शास्त्र विभाग यांच्या संयुक्त‎‎‎‎‎‎‎‎‎‎‎‎‎‎ विद्यमाने तपासणीचे आयोजन‎ करण्यात आले होते. यात शहरातील‎ वेदधारणी उच्च माध्यमिक विद्यालय,‎ पिंपळगाव नाथार इंग्लिश मीडियम‎ स्कूल, यवतमाळ क्रांतिज्योती‎‎‎‎‎‎‎‎‎‎‎‎‎‎ सावित्रीबाई नगर परिषद शाळा, माँ‎ जिजाऊ नगर परिषद शाळा, महात्मा‎ ज्योतिबा फुले नगर परिषद‎ शाळेमधील ५२२ विद्यार्थ्यांची आरोग्य‎ तपासणी पार पडली.

यात स्थूलपणा‎‎‎‎‎‎‎‎‎‎‎‎‎‎ निदान व उपचाराबाबत मार्गदर्शन‎ करण्यात आले. यात २७३ मुले, तर‎ २४९ मुली, अशा ५२२ विद्यार्थ्यांचा‎ समावेश होता. या विद्यार्थ्यांची‎ तपासणी करून आरोग्य पत्रिका‎ वितरीत करण्यात आल्या आहेत.‎ त्यात चार मुले आणि चार मुली,‎ अशा आठ विद्यार्थ्यांना स्थूलतपणा‎ असल्याचे निदर्शनास आले आहे.‎

ही तपासणी अभियानाचे नोडल‎ ऑफिसर डॉ. उमेश जोगे आणि‎ पथकाच्या वतीने करण्यात आली‎ आहे. अभियान रुग्णालयाचे‎ अधिष्ठाता डॉ. गिरीष जतकर‎ यांच्या मार्गदर्शनाखाली डॉ. गौतम‎ खाकसे, डॉ. विजय डोम्पले, डॉ.‎ राजू गोरे, डॉ. गजानन सोयाम, डॉ.‎ पंकज कासदेकर, डॉ. सचिन‎ दिवेकर, डॉ. जबिह खान, डॉ.‎ सरन्या, डॉ. सुजीत हे होते.‎ त्याचप्रमाणे निवासी डॉक्टर,‎ समाजसेवा अधीक्षक व आंतर‎ वासिता विद्यार्थ्यांनी योगदान दिले.‎

तपासणी अभियान राबवणार‎
स्थूलपणाबाबत विद्यार्थ्यांशी संवाद‎ साधण्यात आला.जीवनशैली बदल व‎ निरोगी शरीराबाबत तसेच‎ स्थूलपणामुळे होणारे दुष्परिणामावर‎ प्रतिबंधाबाबत अवगत करण्यात‎ आले.सकस आहार व व्यायामाचे‎ महत्वा सांगण्यात आले.यानंतरही हे‎ अभियान राबवणार आहे.‎ - डॉ.उमेश जोगे, नोडल‎ अधिकारी,यवतमाळ.‎