घोषणा:जुनी पेन्शन योजना: बेमुदत संपात जिल्हा खासगी‎ शिक्षक, शिक्षकेतर संघटना सहभागी होणार‎

महाराष्ट्रात शासकीय कर्मचारी तसेच‎ शिक्षक-शिक्षकेतर कर्मचारी यांना‎ २००५ पूर्वीची जुनी पेन्शन योजना लागू‎ करावी, यासाठी राज्य सरकारी‎ कर्मचारी मध्यवर्ती संघटना व समन्वय‎ समितीने १४ मार्चपासून महाराष्ट्रात‎ बेमुदत संपाची घोषणा केली आहे.‎ यानिमित्त नुकतीच अभ्यंकर कन्या‎ शाळेत जिल्हा खासगी शाळा‎ शिक्षक-शिक्षकेतर कर्मचारी‎ संघटनांच्या समन्वय समितीची बैठक‎ पार पडली. यामध्ये संघटनांचे विविध‎ पदाधिकारी उपस्थित होते.‎ त्यामध्ये १४ मार्चपासून सर्व‎ शिक्षक-शिक्षकेतर कर्मचारी कशा‎ पद्धतीने सहभागी होतील, यावर‎ विविध संघटनांच्या प्रमुखांनी‎ विचारविनिमय केला.

१४ मार्चपासून‎ बेमुदत संपावर जाण्याचा एकमुखी‎‎‎‎‎‎‎‎‎‎‎‎‎‎‎ निर्णय घेण्यात आला. कर्मचाऱ्यांनी‎ आपल्या हक्काची जुनी पेन्शन‎ मिळवण्यासाठी एकत्र यावे, असे‎ आवाहनही यावेळी सर्व संघटनांच्या‎ वतीने करण्यात आले. निवासी‎ जिल्हाधिकारी कार्यालय यवतमाळ‎ येथे सर्व संघटनांच्या प्रतिनिधींनी‎‎‎‎‎‎‎‎‎‎‎‎‎‎‎ निवेदन सादर केले.

यावेळी‎ यवतमाळ जिल्हा माध्यमिक व‎ उच्च माध्यमिक शाळा‎ मुख्याध्यापक संघाचे अध्यक्ष‎ प्रकाश भुमकाळे, मुरलीधर धनरे,‎ भुमन्ना बोमकट्टीवार, नीलेश तायडे,‎ राजेश मदने, प्रदीप गोडे, नीरज‎ डफळे, ताराचंद चव्हाण, पवन बन,‎ संजय येवतकर, सतीश काळे,‎ सचिन देशपांडे, विजय डांगे,‎ अरविंद मांजरे, नितीन ठाकरे, संतोष‎ पवार, सुधीर कानतोडे, विठ्ठल‎ परांडे, किशोर राठोड, रवी उलगुडे,‎ डॉ. निपून काळे, दत्ता मेकवाड,‎ पराग पाटील, समाधान साबळे,‎ युवराज गेडाम, इम्रान शेख,‎ नागोराव चौधरी, रवींद्र दुरशेटवार,‎ विजय विसपुते, श्रीकांत बोरकर,‎ प्रफुल्ल गावंडे, प्रकाश काळमेघ,‎ मन्साराम सावलकर, विकास‎ वांदिले, प्रवीण जिरापुरे, डी. जी.‎ भोयर, आर. एम. गौरखेडे, ज्ञानेश्वर‎ गायकवाड, निर्मल कुमार खडसेसह‎ अनेक पदाधिकारी तसेच शिक्षक व‎ शिक्षकेतर कर्मचारी सहभागी‎ सहभागी होते. या वेळी निवासी‎ जिल्हाधिकाऱ्यांना निवेदन देण्यात‎ आले.‎