निराधार:अंकुर साहित्य संघाच्यावतीने गरजूंना,‎ निराधार मनोरुग्णांना भोजनदान‎

प्रजासत्ताक दिनाच्या निमित्ताने अंकुर‎ साहित्य संघाने नंदादीप फाउंडेशन सेवा प्रतिष्ठान‎ यवतमाळ येथील निराधार मनोरुग्णांना भोजनदान केले .‎ अंकुर साहित्य संघाने गेल्या अनेक वर्षांपासून २६ जानेवारी‎ निमित्त विविध सेवाभावी संस्थांना भेटी देऊन, यथोचित‎ सहकार्य करत साहित्याची समाजाशी नाळ जुळवून‎ ठेवली आहे. यावर्षी नंदादीप फाउंडेशन सेवा प्रतिष्ठान‎ येथील बेघर मनोरुग्णांना भेट देऊन त्यांच्याशी संवाद‎ साधला.

याप्रसंगी प्रतिष्ठानचे संदिप शिंदे, नंदिनी शिंदे‎ यांचा सत्कार करण्यात आला. अंकुर साहित्य संघाच्या‎ जिल्हा अध्यक्षा विद्या खडसे यांच्या नेतृत्वात जिल्हा‎ सचिव नितीन धोटे, तालुका सचिव महेश मोकडे,‎ कोषाध्यक्ष सुरेश राऊत, सुनील खडसे, प्रमिला,‎ उमरेडकर, दिपा गुघाणे,उषा खटे, महेश किणगावकर,‎ कल्पना उघडे, वंदना डगवार, मंगेश चौधरी, अलका‎ राऊत, तात्या राखूडे, दत्ता चांदोरे, तोष्णा मोकडे, दीपा‎ गुघाने आदि उपस्थित होते.‎