प्रतिपादन‎:जिद्द, चिकाटी व परिश्रमाने‎ यशाचे शिखर गाठता येते‎

विद्यार्थी जीवनात जिद्द, चिकाटी व‎ अथक परिश्रमाचे सातत्य ठेवले तर‎ अवघड असणारे यशाचे शिखर‎ सहज गाठता येते. दुःखाचा डोंगर‎ ओलांडल्याशिवाय सुखाची‎ हिरवळ लागत नाही. यशाच्या‎ शिखराला गवसणी घालण्यासाठी‎ परिश्रमाशिवाय दुसरा कोणताही‎ शॉर्टकट नाही, असे प्रतिपादन‎ उमरखेडपोलिस ठाण्याच्या‎ सहायकपोलिस निरीक्षक सुजाता‎ बनसोड यांनी केले.‎ ‎

कस्तुरबा गांधी माध्यमिक व‎ उच्च माध्यमिक विद्यालयात‎ गुलाबसिंह ठाकुर यांच्या पुण्यतिथी‎ निमित्त आयोजित कार्यक्रमात‎ प्रमुख पाहुणे म्हणून सुजाता‎ बनसाडे बोलत होत्या.‎ अध्यक्षस्थानी डॉ. एल. एम रावते‎ होते. तर प्रमुख पाहुणे संस्थेचे‎ सचिव आनंदराव शेवाळकर,‎ सहसचिव किशोर ठाकुर, कृ. उ.‎ बाजार समितीचे सभापती‎ बाळासाहेब चंद्रे पाटील, रमन‎ रावते, महाविद्यालयाच्या प्राचार्या‎ एस. बी. शिंदे, प्रा. दिपक वाघमारे‎ आदि उपस्थित होते. पुढे बोलतांना‎ सुजाता बनसोड म्हणाल्या की,‎ मुलींनी आता मुलांच्या बरोबरीत‎ नव्हे तर एक पाउल पुढे टाकले‎ पाहिजे.

युपीएसी, एमपीएससी या‎ सारख्या स्पर्धा परीक्षेची जय्यत‎ तयारी करून मोठ मोठया हुद्दयाच्या‎ प्रशासकीय जागा काबीज केल्याच‎ पाहिजे. त्यासाठी खुप वाचन करणे‎ आणि नियमित अभ्यासासोबतच‎ शिकवणीची ही गरज पडल्यास‎ त्यासाठीही पालकांनी तयारी‎ ठेवावी सावित्रीच्या जीवनात‎ तुम्हाला अबलाचे सबला‎ करण्यासाठी अनेक संकटे आली‎ पण त्या डगमगल्या नाहीत ती‎ परीस्थीती तुमची नाही तुम्हाला सर्व‎ काही सेवा सुविधा उपलब्ध‎ आहेत. त्याचा तुम्ही फायदा घ्यावा‎ असे त्यांनी उपस्थिती विद्यार्थिनींना‎ आवाहन केले.

संचालक संभाजी‎ ताटीकुंडलवाड, बिरबल केषेवाड,‎ डॉ. लक्ष्मीकांत चिन्नावार, प्राचार्य‎ एस. बी. शिंदे, पर्यवेक्षक प्रा. दिपक‎ वाघमारे, से. नि. पर्यवेक्षक आर.‎ जी. चव्हाण, सामाजीक कार्यकर्ते‎ हिरासींग चव्हाण या कार्यक्रमाला‎ उपस्थिती लावली. यावेळी‎ हिरासींग चव्हाण यांनी गुलाबसींह‎ ठाकुर साहेबांच्या शैक्षणीक‎ कार्याचा गुण गौरव केला.‎ बाळासाहेब चंद्रे पाटील यांनी कन्या‎ शाळेचे रोपटे वट वृक्षात रूपांतर‎ झाले. याचे श्रेय मॅनेजमेंट‎ कमिटीला जाते. असे बोलून‎ दाखविले. हिरासींग चव्हाण यांनी‎ यावर्षी या महाविद्यालयाच्या इयत्ता‎ दहावी व बारावी बोर्डाच्या परीक्षेत‎ सर्व प्रथम येणाऱ्या विद्यार्थिनींना‎ पारितोषिक जाहिर करून प्राचार्या‎ शारदा शिंदे यांच्या हाती बक्षिसाची‎ रक्कम सोपवीली. संचालन ए. ए.‎ आलोने तर आभार राहूल चंद्रे यानी‎ मानले